تسيفرلىق دامۋ مينيسترلىگى ال-فارابي اتىنداعى قازاق ۇلتتىق ۋنيۆەرسيتەتىنە ستۋدەنت قىزداردىڭ جەلىدە تاراپ كەتكەن جەكە دەرەكتەرىنە بايلانىستى سۇراۋ سالىپ, تۇسىنىكتەمە الدى. سۇراۋ ناتيجەسىندە زاڭسىز ارەكەت جاساعان تۇلعاعا قاتىستى قىلمىستىق ءىس قوزعالعانى بەلگىلى بولدى, دەپ جازادى Egemen.kz.
ۋنيۆەرسيتەتپەن شارت نەگىزىندە ارەكەت ەتەتىن مەديتسينالىق ۇيىمنىڭ قىزمەتكەرى وسى جىلدىڭ 6 اقپانىندا WhatsApp ارقىلى فليۋوروگرافيالىق زەرتتەۋدەن ءوتۋ ءۇشىن ستۋدەنتتەر ءتىزىمى جيناقتالعان Excel فورماتىنداعى قۇجاتتاردى جىبەرگەن. قۇجاتتا ستۋدەنتتەردىڭ اتى-جونىنەن باسقا, مەديتسينا قىزمەتكەرىنىڭ قۇپياسىنا جاتاتىن مالىمەتتەر دە اشىق جولدانعان ەدى.
الايدا تسيفرلىق دامۋ مينيسترلىگى وسى ىسكە قاتىستى ۆەدوموستۆوعا جەكە دەرەكتەرى تىزىمدە بولعان ازاماتتاردان وتىنىشتەر تۇسپەگەنىن مالىمدەدى.
«الماتى قالاسىنىڭ پوليتسيا دەپارتامەنتى قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىنىڭ تالاپتارىن بۇزۋ بويىنشا قىلمىستىق ءىس قوزعادى. وسى ءىس شەڭبەرىندە مينيسترلىك قىزمەتكەرلەرى مامان رەتىندە تارتىلدى, ناتيجەسىندە ۋنيۆەرسيتەتتىڭ ءىس-ارەكەتتەرى بويىنشا ساراپتامالىق قورىتىندى ۇسىنىلدى», دەلىنگەن مينيسترلىك حابارلاماسىندا.
قىلمىستىق ءىستىڭ قورىتىندىسى بويىنشا قىلمىستىق قۇقىق بۇزۋشىلىق فاكتىلەرى بولماعان جاعدايدا تسيفرلىق دامۋ مينيسترلىگى اكىمشىلىك جاۋاپكەرشىلىككە تارتۋ ماسەلەسىن قاداعالايدى.