وتان قورعاۋشىلار كۇنى قارساڭىندا قر وقۋ-اعارتۋ مينيسترلىگى ءبىلىم بەرۋ ۇيىمدارىندا قانشا ەر ادام جۇمىس ىستەيتىنىن ناقتىلادى, دەپ حابارلايدى Egemen.kz.
مامانداردىڭ ايتۋىنشا, ەر وقىتۋشىلاردىڭ سانى 93 مىڭنان اسادى. بىراق بۇل ستاتيستيكاعا ۋنيۆەرسيتەت وقىتۋشىلارى كىرمەيدى.
«قازاقستان رەسپۋبليكاسى وقۋ-اعارتۋ مينيسترلىگى احمەت بايتۇرسىن ۇلى اتىنداعى «تالداۋ» ءبىلىم بەرۋدى زەرتتەۋ جانە باعالاۋ ۇلتتىق ورتالىعىنىڭ مالىمەتىنشە, بۇگىنگى تاڭدا ەلىمىزدەگى ءبىلىم بەرۋ ۇيىمدارىندا 93 048 ەر پەداگوگ جۇمىس ىستەيدى. ونىڭ 13 867-ءسى كوللەدجدەردە, 76 502-ءسى مەكتەپتەردە, 2 679-ى مەكتەپكە دەيىنگى ۇيىمداردا قىزمەت ەتەدى», دەلىنگەن مينيسترلىك حابارلاماسىندا.