قازاقستان ازاماتتارى كوپ جاعدايدا جىلجىمايتىن م ۇلىگىن ونلاين تىركەيدى. وتكەن جىلمەن سالىستىرعاندا «Blockchain» تەحنولوگياسى ارقىلى جاسالاتىن مامىلەلەر سانى 2,5 ەسەگە ارتتى. 2024 جىلدىڭ ءبىرىنشى توقسانىندا وسى باعىتتا شامامەن 25 مىڭ وپەراتسيا ورىندالدى, دەپ جازادى Egemen.kz.
بۇگىنگى كۇنى ەكىنشى دەڭگەيلى بانكتەردىڭ پلاتفورمالارى ارقىلى كەپىلدى (قايتا كەپىلگە قويۋدى) جانە ونىڭ توقتاتىلۋىن ونلاين رەجيمدە تىركەۋگە بولادى. ايتا كەتەيىك, بۇل قىزمەت استانا, الماتى جانە شىمكەنت قالالارىندا, سونداي-اق تۇركىستان, قاراعاندى جانە الماتى وبلىستارىندا سۇرانىسقا يە.
سونىمەن قاتار مەملەكەتتىك كورپوراتسيا قارىز شارتى بويىنشا تالاپ ەتۋ قۇقىقتارىن باسقاعا بەرۋدى جانە شارت تالاپتارىنىڭ وزگەرۋىن تىركەۋ مۇمكىندىگىن ىسكە اسىردى. بۇعان قوسا, تۇرعىن ەمەس ءۇي-جايلاردى كەپىلدى تىركەۋ دە قولجەتىمدى.
Blockchain تەحنولوگياسى بانكتەردىڭ جىلجىمايتىن م ۇلىكتى كەپىلگە الۋ ارقىلى نەسيە بەرۋ كەزىندەگى نەسيەلەردى ونلاين راسىمدەۋدى جەڭىلدەتەدى, شىعىنداردى ازايتادى جانە وتىنىمدەردى قاراۋ مەرزىمدەرىن قىسقارتادى. وسى ءادىس پاتەردى بۇرىنعىداي 3 كۇندە ەمەس 1 ساعاتتا راسىمدەۋگە مۇمكىندىك بەرەدى.