قاتاڭ جازانىڭ قۇزىرەتى

تۇرمىستا ورىن الاتىن اسا اۋىر قىلمىستارعا جاۋاپ­كەر­شى­لىك كۇشەيتىلدى. ء«ۇي تيراندارىن» شاڭىراعىنان 30 كۇنگە وقشاۋ­لاۋ, جابىرلەنۋشىمەن بايلانىسقا تىيىم سالۋ مۇمكىندىگى ەنگىزىلدى.

زاڭنامالىق جاڭالىقتاردىڭ ءبىر بولىگى كامەلەتكە تول­ماعاندارعا قارسى قىلمىستار ءۇشىن جازانى قاتاڭداتۋدى قامتيدى. قازاقستان قوعامى كۇتكەن ماڭىزدى نورما قىلمىستىق كودەكستە كوزدەلگەن ەڭ اۋىر جازا – پەدوفيلدەر مەن بالالاردى ولتىرگەن قىلمىسكەرلەردى ءومىر بويى باس بوستاندىعىنان ايىرۋدى ەنگىزۋ.

زاڭدا كامەلەتكە تولماعاندارعا قارسى دەنساۋلىققا زيان كەلتىرۋدەن باستاپ, ۇرلاۋ مەن ولتىرۋگە دەيىنگى قىلمىستاردىڭ بارلىق ءتۇرى ايقىندالدى جانە سارالاندى. مۇنداي قىلمىستار ءۇشىن تاتۋلاسۋعا بايلانىستى قىلمىستىق جاۋاپتىلىقتان بوساتۋ مۇمكىندىگى الىنىپ تاستالدى. كامەلەتكە تولماعاندارعا قاتىستى جىنىستىق زورلىق-زومبىلىق پەن سۋيتسيدكە كومەكتەسۋ فاكتىسى بويىنشا قىلمىستىق جاۋاپكەرشىلىك ەنگىزىلدى. كامەلەتكە تولماعانداردى قورلاۋ جانە كيبەربۋللينگ جاساعانى ءۇشىن اكىمشىلىك جاۋاپكەرشىلىك تە قاراستىرىلدى. وعان سىنىپتاستارىن قورلاعان جاسوسپىرىمدەردىڭ اتا-انالارى مەن قامقورشىلارى دا تارتىلادى.

ىشكى ىستەر مينيسترلىگىندە وتباسىنداعى زورلىق-زومبىلىققا قارسى كۇرەس جونىندەگى مامانداندىرىلعان بولىمشە قۇرىلادى. مادەنيەت جانە اقپارات مينيسترلىگىنىڭ جاستار جانە وتباسى ىستەرى كوميتەتى وسى باعىتتاعى مەملەكەتتىك وتباسىلىق ساياساتقا جاۋاپتى بولادى. قازىرگى وتباسىن قولداۋ ورتالىقتارى قايتا قۇرىلادى.

بۇل ءىس-شارالاردىڭ بارلىعى تۇرمىستىق زورلىق-زومبىلىق قۇرباندارىن قورعاپ, قولداۋعا جانە جالپى زورلىق-زومبىلىققا توزىمدىلىكتىڭ نولدىك دەڭگەيىنە جەتۋگە باعىتتالعان.

بىرىككەن ۇلتتار ۇيىمى اتالعان زاڭدى قابىلداعانى ءۇشىن قازاقستانعا ريزاشىلىعىن ءبىلدىردى. بۇل گەندەرلىك زورلىق-زومبىلىقتىڭ بارلىق نىسانىن جويۋ جولىنداعى ماڭىزدى قادام بولعانىن اتاپ ءوتىپ, اتالعان زاڭدى ءتيىمدى ەنگىزۋ جانە قولدانۋ جونىندەگى كۇش-جىگەردى جالعاستىرۋعا شاقىردى.

يگور تاراسەنكو,

ادام قۇقىقتارى جونىندە ۋاكىلدىڭ پاۆلودار وبلىسى بويىنشا وكىلى