ءفيلمنىڭ وزەگى – ارنايى وپەراتسيا

مادەنيەت جانە اق­پارات مينيستر­لىگىنىڭ تاپ­سى­رىسى بويىنشا­ «ۇلتتىق كينونى قولداۋ مەم­لە­­كەت­­تىك ورتالىعىنىڭ» ءىىم قول­­داۋىمەن بىرلەسە شىنايى وقي­عا­عا نەگىزدەپ تۇسىرگەن تۋىندى­سى­نىڭ قويۋشى رەجيسسەرى – راشيد سۇلەي­مە­نوۆ, قويۋشى وپە­راتورى – ەرنۇر رىسپاەۆ. ال ستسەناري بويىنشا­ يلحام دجاليلوۆ, راشيد سۇلەي­مە­نوۆ, رۋستام ازاماتوۆ تەر توكسە, باستى رولدەردى باقىت قاجى­باەۆ, الەكسەي شەمەس, ايگەرىم ءجۇنىسوۆا, سەرگەي بىحوۆ, دينارا نىعمەتۋللينا, ءانۋار قاراتاەۆ, بولات ءابدىلمانوۆ باس­تا­عان اكتەرلەر وينادى. ءفيلمنىڭ استانادا وتكەن الدىن الا كور­سە­تىلىمىنە مەملەكەتتىك ورگاندار, كينويندۋستريا وكىلدەرى, باس­تى­ رول­دەر­دى سومداعان ارتىستەر قا­تىس­تى.

«بۇل ءرول شىعارماشىلىق تاجىريبەمدەگى وتە كۇردەلى رول­دەردىڭ ءبىرى دەسەم, ارتىق ايت­قان­دىعىم ەمەس. ويتكەنى مەن كەيىپتەگەن بەينەنىڭ جاۋاپ­كەر­شىلىگى وتە وراسان, اۆتوبۋستىڭ ىشىندەگى ءاربىر ادامنىڭ ءومىرى تىكەلەي وسى كەيىپكەردىڭ مويى­نىندا بولدى. تۇسىرىلىمگە جان-جاقتى ىزدەنىپ, ۇلكەن دايىن­دىق­پەن كەلدىم. جالپى, قانداي ءرول بولسىن, اكتەر ءۇشىن ۇلكەن تاجى­ريبە عوي. سوندىقتان «نابات وپەراتسياسىنىڭ» مەنىڭ كاسىبي جولىمداعى بەرەرى كوپ ءفيلمنىڭ ءبىرى ەكەنى ءسوزسىز. ءتۇسىرىلىم توبىنا, فيلمدە بىرگە ويناعان ارىپ­تەس­تەرىمە العىسىم شەكسىز. بۇل – بار­لى­عىمىزدىڭ ورتاق ەڭ­بە­گىمىز», دەپ فيلمدە باس­تى ءرولدى وي­ناعان اكتەر باقىت قاجىباەۆ اي­تۋلى تۋىن­دى تۋرالى اسەرىن, ىزدەنىسىن ورتاعا سالدى.

اكتەر اتاپ وتكەندەي, كارتينا شى­نايى وقيعاعا نەگىزدەلگەن, وندا 1992 جىلعى ارنايى وپەراتسيا تۋرا­لى باياندالادى. تۇرمەدەن قاش­­­­قاندار اۆتوبۋس جولاۋشىلارىن كەپىلگە الادى. ولاردى قۇقىق قور­­عاۋ ورگانى قىزمەتكەرلەرى قۇت­­قا­­رادى.

«كارتينانىڭ اۆتورلارى­ وت­كەن­ جىل­دارداعى تاريحقا كوز جۇ­گ­ى­ر­تۋدى ءجون كوردى. 1992 جىلى كەزەڭ­­دەس­تىرۋ كەزىندە قاشىپ كەتكەن 6 تۇتقىن شيەلى ستانساسى ما­ڭىندا قالاارالىق اۆتو­بۋستىڭ جو­لاۋ­شىلارىن كەپىلگە العان. ۇزاق كەلىسسوزدەن كەيىن قاراق­شى­لار ۇشاق تالاپ ەتتى. بىراق ناقتى جوس­پارلانعان وپەرا­تسيانىڭ ناتي­جەسىندە بارلىق قىل­مىس­كەر­دىڭ كوزىن جويدى. كەپىلگە الىن­عانداردىڭ ەشقايسىسى زارداپ شەككەن جوق. بۇل بىردە-ءبىر ادام­ جارا­لان­باعان الەمدەگى ءبىرىن­­شى وپەراتسيا بولدى», دەيدى «قازاق­­فيلم» كينوستۋدياسىنىڭ پرەزي­دەنتى ازامات ساتىبالدى. كينو­ستۋديا باسىشىسىنىڭ ايتۋىن­شا, اتال­عان فيلم – بيىل ۇلتتىق كينو­ستۋديا تۇسىرگەن تۇڭعىش پرەمەرا.

«جالپى, بيىل تاعى 9 فيلم ءتۇسىرۋدى جوسپارلاپ وتىرمىز. كورسەتىلىمدى «نابات وپەراتسياسى» فيلمىنەن باستادىق. كينوتۋىندى 1992 جىلعى وقيعا تۋرالى عانا ەمەس. كورەر­مەن فيلمنەن جاقسىلىق پەن جامان­دىقتىڭ كۇرەسىن, ادامي قاسيەتتەر مەن باتىلدىقتىڭ ايقىن كورىنىسىن كورە الادى», دەدى ول.

اتىس, شابىستىڭ كوپتىگىنە قاراماستان, «نابات وپەراتسيا­سى» قۇقىق قورعاۋ ورگانى­ قىز­مەتكەرلەرىنىڭ كوزسىز باتىر­لىعى مەن وپەراتسيا تۋرالى ەمەس. بۇل – تاعدىردىڭ جازۋىمەن وسى اۆتوبۋسقا تاپ بولعان قاراپايىم كەپىلگە الىنعان ادامداردىڭ ومىرىندەگى 20 ساعاتقا سوزىلعان وقيعا جانە ادامي قاسيەت­تەرىنىڭ ايقىن كورىنىسى.

«قازىر كينو ونەرىندە ۇلگى بولارلىق قاھارمانداردى كور­سەتۋ, اسىرەسە پاتريوتيزمگە باۋ­لۋ تۇعىردا تۇر. پرەزيدەنت قاسىم-جومارت توقاەۆ «تاۋەل­­سىزدىك بارى­نەن قىمبات» اتتى ما­قالا­سىن­دا وتاندىق ءپات­ريو­تيزمدى قا­لىپتاستىرۋ ماسە­لەسىن ەرەكشە العا تارتتى. «نابات وپەراتسياسى» ءفيلمى وسى ۇدەدەن شىعادى, ول وتانعا دەگەن سۇيىسپەنشىلىكتى, ۇلتتىق قاۋىپسىزدىك ورگاندارىنىڭ, قۇقىق قورعاۋ ورگاندارىنىڭ كوزسىز ەرلىگىن دارىپتەيدى. ورتالىقتىڭ ماق­ساتى – وسىنداي وتاندىق فيلم­­­دەرگە جا­ڭا لەپ بەرۋ», دە­دى «ۇلتتىق كينونى قولداۋ مەم­لە­كەتتىك ورتالىعىنىڭ» باسقارما تورا­عا­سى قۇرمانبەك جۇماعالي.

ءفيلمدى 2 مامىردان باستاپ ەلىمىزدىڭ بارلىق كينوتەاترلارىنان تاماشالاۋعا بولادى.