تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەك ەلدەگى ينتەرنەتتىڭ ساپاسىنا قاتىستى پىكىر ءبىلدىردى, دەپ حابارلايدى Egemen.kz.
اسحات ورازبەك ەلىمىزدەگى ساۋدا ورتالىقتارىنداعى ينتەرنەتتىڭ ساپاسى سىن كوتەرمەيتىنىن, سونداي-اق, ءوزى دە مۇنداي بايلانىس ماسەلەسىنە تاپ بولعانىن ايتتى.
«2027 جىلعا دەيىن مەرزىم بەرىلگەن. مەن دە سىزدەر سياقتى بايلانىس ماسەلەسىنە تاپ بولدىم. قوعامدىق تاماقتانۋ ورىندارىندا نەمەسە ءىرى ساۋدا ورتالىقتارىندا Wi-Fi جەلىلەرى ساپالى وتكىزىلمەگەن. وسى ماسەلەنى قولعا الىپ, شەشىمىن تابۋىمىز كەرەك دەپ ويلايمىن. بۇگىن سەنات ماقۇلداعان زاڭ جوباسى اياسىندا ءىرى ساۋدا ويىن-ساۋىق ورتالىقتارى مەن بيزنەس ورتالىقتارى Wi-Fi جەلىسىن ورناتۋعا مىندەتتەلەدى. ءبىز مۇنى قاداعالايمىز. دامحاناعا نەمەسە ساۋدا ورتالىعىنا بارعان ءار ازامات ساپالى ينتەرنەتكە قول جەتكىزۋى كەرەك», دەدى ول.
قىرمىزى جۇماعاليقىزى,
ەۇۋ ستۋدەنتى