«مەديدەزدىڭ» مەرەيى

اۋرۋحانا گيگيەناسى سالاسىنا مامان­دانعان كومپانيا ءتۇرلى ەمدەۋ-پرو­في­لاكتيكالىق مەكە­مەلەردەگى ينفەك­تسيا قاۋىپسىزدىگىن قامتاماسىز ەتىپ كەلەدى. وتاندىق ءونىم قاراپايىم تۇتىنۋ­شىلار­دىڭ كۇندەلىكتى تۇرمىستىق قاجەتىنە جاراۋمەن قاتار, دەنساۋلىق ساقتاۋ مەكە­مەلەرى مەن اسحانا, مەيرامحانا ءتارىزدى كوپشىلىكتى تاماقتاندىرۋ ورىندارىنىڭ دا سۇرانىسىن وتەپ بەرىپ وتىر.

«قازىر دەزينفەكتسيالىق ءونىم شىعارا­تىن كاسىپورىنداردىڭ كوبە­يىپ كەتكەنى راس. ولار شىعاراتىن ونىمدەردىڭ پايدالانىلۋ اياسى, اتاۋى شامالاس بولعا­نى­مەن قۇرامى, ساپاسى, قوسپالارى ءارتۇرلى. ماسەلەن, دارىگەر تاۋلىگىنە كەمىندە 30-40 رەت قول جۋادى دەلىك, ەگەر ەمدەۋ مەكەمەسىندەگى دەزي­نفەك­تسيالىق سۇيىقتىق ساپاسىز بول­سا, قول قانداي كۇيگە تۇسەر ەدى؟ سول سەبەپتى ءبىز ساپالى شيكى­زات قول­­دا­نامىز. ارينە, ءبىز­دىڭ ءونىم­دى اي­تار­­لىقتاي ارزان دەپ ايتا ال­­ماي­­مىن. ويتكەنى شيكىزاتتى ەۋرو­­پا­د­ان الدىرامىز. تۇتىنۋ­شى­­لار­­­ى­مىز­دى باعا ەمەس, ساپا قىزىق­تىرا­­دى», دەيدى عىلىمي-وندىرىستىك بىر­لەس­­تىكتىڭ ديرەكتورى ءاليا قايراقباەۆا.

كاسىپورىن كەيىنگى بەس جىلدان بەرى ءوز ونىمدەرىنىڭ ءبىراز بولىگىن قىرعىزستانعا ەكسپورتتايدى. قازىر رەسەيگە دە تاۋار جونەلتىپ جاتىر. كومپانيا باسشى­لارىنىڭ ايتۋىن­شا, رەسەي نارىعىنا ءونىم جو­نەلتۋدىڭ ءبىرتالاي قيىن­­دىق­تارى بار, ويتكەنى ول جاق­تا ساۋدا باسەكەسى جوعارى. الاي­دا سو­عان قاراماستان «مەديدەز­دىڭ» انتيسەپتيكتەرى تۆەر, ەكا­تەرين­بۋرگ, سامارا, چەبوكسارى قالا­لارىندا ساتىلىپ جاتىر.

عىلىمي-وندىرىستىك بىرلەستىك­تىڭ تاريحى 2014 جىلدان باستاۋ الادى. ول كەزدە كاسىپورىندا نەبا­رى ءۇش-اق ادام جۇمىس ىستەيتىن, قازىر 50-دەن اسا قىزمەتكەر تۇراق­­تى تۇردە ەڭبەك ەتەدى. زاۋىت ونىمدەرىن بۇگىن­دە ەلىمىزدىڭ بار­لىق وڭىرلەرىنەن كەز­دەس­تىرۋگە بولادى.

«وبلىستان تىس وڭىرلەرگە اپ­تاسىنا ءبىر رەت, كەيدە ەكى رەتى اۋىر جۇك كو­لىكتەرىمەن, كۇن سايىن «گازەل» كولىكتەرىمەن تاۋار جى­بە­رىپ وتىرامىز. بەس جىل­دان بەرى وسى جەردە جۇمىس ىستەپ جا­تىر­­­مىن. تاپ­سىرىس كۇن سايىن ءتۇ­سىپ جاتادى. ەلىمىز­دىڭ بار­لىق وڭىرىن­دە ءوزىمىزدىڭ سەنىم­دى سەرىك­تەستەرىمىز بار», دەيدى زاۋىت­تىڭ دايىن ونىمدەر قوي­ما­سىنىڭ مەڭگەرۋشىسى باقىتجامال ءبىرنا­زاروۆا.

كا­سىپورىن حالىقارالىق ISO 9001 ستاندارتى مەن HاسسP جۇيە­­سىنە ساي سەرتي­فيكاتتال­عان. سون­دىقتان زاۋىتتان شىعا­تىن بۇكىل ءونىم ارنايى سىناق زەرتحاناسى ارقىلى باقىلانىپ وتىرادى. سى­ناق زەرت­حاناسىنىڭ باسشىسى ەلەنا ۆاسيلكوۆانىڭ ايتۋىنشا, شيكىزات وندىرىسكە جىبەرىلمەس بۇرىن جان-جاقتى تەكسەرىلەدى.

«ودان كەيىن جارتىلاي فاب­ري­كاتتار مەن دايىن ءونىمدى تەك­سە­رە­مىز. ءونىمنىڭ ءار لەگىنەن ار­بيت­راج­دىق ۇلگى الىپ قالامىز دا, سول بويىنشا جانە بەلگىلەنگەن جا­رامدىلىق مەرزىمى بويىنشا ءونىم ساپاسىن باقىلاپ وتىرامىز. ءبىزدىڭ زەرتحانامىز اككرەديتاتسيا­دان وتكەن. سوندىقتان ۇلتتىق ساراپتاما ورتالىعى جوسپارلى تۇردە ينسپەكتسيالىق تەكسەرىس جۇرگىزىپ وتىرادى. مەن بۇل زاۋىت­تا بەس جىل جۇ­مىس ىستەپ جاتىرمىن. ءبارى ۇنايدى. ۇجى­مىمىز وتە جاقسى. باسشىلىق تا ۇنەمى قولداۋ كورسەتىپ وتىرادى», دەيدى سىناق زەرتحاناسىنىڭ باسشىسى.

زاۋىت كاسىپكەرلىكتى مەملەكەت­تىك قول­داۋ تەتىكتەرىن دە ءتيىمدى پايدالانىپ وتىر. ما­سەلەن, 2020 جىلى قىمبات قۇ­رىل­­عىلار ساتىپ الىپ, ءوندىرىس اۋقىمىن كەڭەي­تىپ, قار­­جى اينالىمىن ۇلعايتۋ ءۇشىن كوم­پانيا «الفا بانك» اق ارقىلى 14,5%-دىق نە­س­يە العان. كاسىپورىننىڭ كەپىلدىككە قويا­­­تىن باسى بوس عيماراتى بولماعان­دىق­تان «دامۋ» قورى نەسيەنىڭ جار­تىسىنا كە­پىل­دىك بەردى. پايىزدىق مولشەرلەمەنىڭ ءبىر بولىگى «بيزنەستىڭ جول كارتاسى – 2025» باعدارلاماسى اياسىندا مەملەكەت تاراپىنان سۋبسيديا­لاندى. وسىلايشا, كومپانيا ءوزى العان قوماقتى نەسيەنى قىسقا مەرزىم ىشىن­دە 6%-دىق جىلدىق سىياقىمەن وتەپ شىقتى.

«پرەپاراتتار وندىرىسىنە قا­جەت شيكى­زاتتى امەريكا مەن ەۋرو­پانىڭ ىرگەلى ونەركاسىپ ورىن­دارىنان الدىرتامىز. دە­زينفەكتسيا قۇرالدارىن وندىرۋگە پايدالانىلاتىن سۋ كوپساتىلى تازارتۋ­دان, سونداي-اق كەرى وسموس ءادىسى ارقىلى وڭدەۋدەن وتەدى. مۇن­داي سۋدى, ءتىپتى ءدارى-دارمەك جاساۋ ءۇشىن دە پايدالانۋعا بولا­دى. مىن­دەتىم – شيكىزاتتىڭ كىرىس با­قى­لاۋىنان باستاپ دايىن ءونىم­­­نىڭ شىعۋىنا دەيىنگى بار­لىق تەحنولوگيالىق ۇدەرىستى تولىق باقىلاۋدا ۇستاپ وتىرامىن. مۇن­دا مامانداردىڭ كاسىبي شەبەر­لىگىن ارتتىرۋ ماسەلەسى دە جاقسى جولعا قويىلعان. مىسالى, جىل سايىن ماسكەۋدەن بيزنەس-جاتتىق­تىرۋشىلار كەلىپ, پايدالى ترەنينگتەر وتكىزىپ تۇرادى», دەيدى زاۋىت تەحنولوگى دينا مۇحام­بەتوۆا.

كاسىپورىن ءبىرتالاي جىلدان بەرى وڭىردەگى قايىرىمدىلىق شارالارىنا اتسالىسىپ تۇرادى. سونىمەن قاتار «بالالارعا ءومىر سىيلا» جوباسى اياسىندا سيرەك كەزدەسەتىن ءارى كۇردەلى وتانى قاجەت ەتەتىن اۋىر ناۋقاسى بار بالالار­­­دىڭ شەتەلدە ەمدەلۋى ءۇشىن زاۋىت­­تان «بالادەز» سەرياسىمەن شىعا­رى­­لاتىن دەزينفەكتسيالىق قۇرال­دان تۇسكەن قارجىنى تولى­عىمەن «قايىرىمدىلىق» ەرىكتى قوعامى­نىڭ ەسەبىنە اۋدارىپ وتىرادى.

«مەديدەز» عىلىمي-وندىرىستىك بىرلەس­تىگى الداعى ۋاقىتتا ونىمدە­رىن موڭعوليا نارىعىنا شىعارۋ­دى كوزدەيدى. سونىمەن قاتار وندىرىسكە بەس بىردەي جاڭا ءونىمىن ەنگىزەيىن دەپ وتىر. ونىڭ بىرەۋى – قول سۇر­تۋگە ارنالعان انتيسەپتيك. قالعانى قۇرال-جابدىقتاردىڭ سىرتىن سۇرتەتىن دەزين­فەكيالىق سۇيىقتىق.

قوستاناي وبلىسى