تۇركىستان وبلىسى كەلەس اۋدانىنىڭ پروكۋرورلارى بالاباقشالاردىڭ قاۋىپسىزدىگىن تەكسەرە باستادى. ولار اتالعان مەكەمەلەردەگى بەينەباقىلاۋ كامەرالارىنىڭ جازبالارىن تالداپ, قىلمىستىق ءىس قوزعاۋعا نەگىز بولعان زاڭ بۇزۋشىلىقتاردى انىقتادى, دەپ حابارلايدى Egemen.kz.
24.kz حابارلاعانداي, اۋداننىڭ ءتورت بالاباقشاسىندا بالالارعا قول كوتەرۋ فاكتىسى انىقتالدى. ماسەلەن, مەكتەپكە دەيىنگى مەكەمەلەردىڭ بىرىندە قىزمەتكەر بالالاردى ەدەن جۋاتىن جابدىقپەن ۇرعان. ەندى ول 3 جىلعا باس بوستاندىعىنان ايىرىلۋى مۇمكىن.
سونىمەن قاتار پروكۋراتۋرا قىزمەتكەرلەرى بالالاردىڭ اس ءمازىرىن تەكسەرەدى.
«مەكتەپكە دەيىنگى مەكەمەلەردە جۇرگىزىلگەن تەكسەرىس جۇمىستارى ءار بالانىڭ قۇقىعىن ساقتاۋعا, قاۋىپسىزدىگىن ارتتىرۋعا مۇمكىندىك بەرەدى. قازىرگى تاڭدا 97 بالاباقشانىڭ تەك التاۋىندا تەكسەرۋ جۇرگىزىلىپ, 20 كۇندە ءۇش مامان توبى قۇرىلدى. ءتيىستى جۇمىستار ءالى دە جالعاسادى», دەدى كەلەس اۋدانىنىڭ پروكۋرورى نۇرلان ەشەنقۇلوۆ.