اتا-اجەلەر اللەياسى

بۇكىل وبلىستى قامتىعان ەكو­لو­گيالىق ءىس-شارانىڭ «جاسىل ايماق» اپ­تالىعى اياسىندا كوپشىلىك كوشە­لەرگە, اشىق الاڭقايلارعا, كوگالدار مەن ساياباقتارعا تال ەكتى. مىسالى, ارقالىق قالاسىندا ءبىر كۇندە 2 مىڭ ءتۇپ اعاش كوشەتى وتىرعىزىلدى.

ال قوستاناي اۋدانىنا قاراستى سادچيكوۆ ەلدى مەكەنىندە وتكەن سەن­بى­لىك­كە وسى اۋىلدا تۇراتىن بەل­سەندى زەينەتكەرلەر دە شىقتى. كوگال­داندىرۋ ءىس-شاراسىنا قاتىس­قان اتا-اجەلەر – جەر­گىلىكتى كىتاپحانانىڭ جانىنان اشىلعان «قازىنا» شىعارماشىلىق كلۋبىنىڭ مۇشەلەرى. بۇگىندە وڭىردە «قازىنا» كلۋبىن بىلمەيتىندەر كەمدە-كەم. كلۋب مۇشەلەرى وبلىستا ءوتىپ جاتا­تىن مادەني ءىس-شارالاردىڭ ەش­قاي­سىنان قالماي, مەرەكەلىك كون­تسەرت­تەردە ونەر كورسەتىپ, ءتۇرلى كورمە­لەر­گە قاتىسىپ ءجۇر.

زەينەتكەرلەر سەنبىلىككە نەمەرە­لە­رىن دە ەرتە كەلىپ, ءوز قاراجاتىنا ساتىپ العان اعاش كوشەتتەرىن وتىرعىزدى. نەمەرەلەرىنە: «كەيىن «مىنەكي, بۇل اعاشتى اتا-اجەممەن بىرگە وتىرعىزعان ەدىك» دەپ ايتىپ جۇرىڭدەر, كۇتىم جاساپ, باپتاپ وتىرىڭدار», دەپ تابىس­تاپ, جان تەبىرەنتەرلىك جاقسى ءبىر يگى ءىس اتقاردى.

«قازىنالىق» قاريالار الداعى ۋاقىتتا اۋىل اكىمدىگىنە كىرىپ, وزدە­رى تال ەككەن اشىق الاڭقايدى «اتا-اجە­لەر اللەياسى» دەپ اتاۋ تۋرالى ۇسىنىس جا­سا­عىسى كەلەدى. «حال­قى­مىز­دا ۇرپاق­تار ساباقتاستىعى دەگەن جاقسى ءۇردىس بار. سوندىقتان «اتا-اجەلەر» اللەياسىنا جىل سايىن ءبىز سياقتى زەينەتكەرلەر كىشكەنتاي نەمەرەلەرىن الىپ كەلىپ, تابيعاتتى ايالاۋعا ۇيرەتسە, وز­دەرى اتاپ تال وتىر­­عىزسا, ول تالدى ۇر­پاقتارى كۇتىپ-باپتاپ, وزدەرىنىڭ بالالارىنا ۇلگى-ونەگە ەتسە دەگەن نيەتىمىز بار. وسىن­­داي ءىس-شارالاردى ۇيىمداستىرۋ ار­قىلى نەمەرەلەرىمىزگە تابيعاتتى ايالاۋدى ۇيرەتىپ, ءاربىر جاقسى ءىستىڭ باسى-قاسىندا ءجۇرۋدى بويىنا ءسىڭىرىپ, ۇلگى تۇتارلىق ىستەرىمىزبەن قورشاعان ورتانىڭ جاقسارۋىنا ۇلە­سىمىزدى قوسۋ­دى ءجون كوردىك», دەيدى كلۋب مۇشە­سى سالتانات ساتپاەۆا.

اتالعان اكتسيانىڭ باستى ماق­ساتى دا وسى – كوپشىلىكتىڭ ەكو­لو­گيا­لىق مادەنيەتىن قالىپ­تاس­تى­رۋ, تۇر­­عىندارعا, اسىرەسە جاس­تار­عا قور­شاعان تابيعي ورتاعا جاناشىرلىقپەن قاراۋدى ۇيرەتۋ.

قوستاناي وبلىسى