بيىل قىركۇيەكتە استانادا وتەتىن 5-ءشى دۇنيەجۇزىلىك كوشپەندىلەر ويىندارى قارساڭىندا وسى ايدىڭ 17-28 كۇندەرى ارالىعىندا الماتىداعى وليمپيادالىق دايىندىق ورتالىعىندا ساداق اتۋدان ۇلتتىق قۇرامانىڭ 24 سپورتشىسى وقۋ-جاتتىعۋ جيىنىنا قاتىستى, دەپ حابارلايدى Egemen.kz.
ۇلتتىق سپورت قاۋىمداستىعى ءمالىم ەتكەندەي, اتالعان جاتتىعۋ جيىنىندا دۇنيەجۇزىلىك كوشپەندىلەر ويىندارىنا قاتىسۋ ءۇشىن 10 سپورتشىنىڭ اراسىندا 5 ليتسەنزيا ويناتىلدى. ساداقشىلار جوعارى ناتيجە كورسەتىپ, ويىندارعا جولداما الدى. ايتا كەتسەك, بۇعان دەيىن مالايزيا ەلىندە وتكەن جاتتىعۋ جيىنى شەڭبەرىندە «كوشپەندىلەر ويىندارىنا» قاتىساتىن العاشقى 5 ساداقشى انىقتالعان ەدى.