قازاقستان حالقى اسسامبلەياسىنىڭ قاراعاندى وبلىسىنداعى وكىلدەرى «تازا قازاقستان» رەسپۋبليكالىق ەكولوگيالىق اكتسياسىنا بەلسەنە قاتىسىپ جاتىر, دەپ حابارلايدى Egemen.kz.
«جاسىل ايماق» اپتالىعى اياسىندا ەتنومادەني بىرلەستىكتەردىڭ وكىلدەرى كاسىپكەرلەرمەن, ەرىكتىلەرمەن بىرگە ءاليحان بوكەيحان اتىنداعى اۋدانعا بال وسىمدىكتەرىن ەكتى.
كوگىلدىر توعاندارداعى اللەياعا 50 قاراعان بۇتالارى مەن بەس شىرشا ەگىلدى.
ء«بىز سارى قاراعاندى بەكەردەن تاڭداعان جوقپىز. بۇل بال وسىمدىگى ادەمى, ونىڭ ۇستىنە وتە قاراپايىم, قۇرعاقشىلىققا ءتوزىمدى, توپىراقتى ازوتپەن بايىتادى. اكتسيانىڭ باستى ماقساتى – قورشاعان ورتاعا ۇقىپتى قاراۋ مادەنيەتىن قالىپتاستىرۋ, ازاماتتىق جاۋاپكەرشىلىكتى ارتتىرۋ جانە ەكولوگيالىق مادەنيەتتى نىعايتۋ», دەيدى قحا انالار كەڭەسىنىڭ مۇشەسى ديا ەرجانوۆا.
كوشەت ەگۋ جۇمىستارىنا جەرگىلىكتى تۇرعىندار دا اتسالىستى. ولار بۇل اللەيادا بالالارمەن ءجيى سەرۋەندەيدى.
جەرگىلىكتى بيلىكتىڭ مالىمەتىنشە, بيىل ءاليحان بوكەيحان اتىنداعى اۋدانعا 10 مىڭعا جۋىق جاسىل جەلەك ەگىلەدى.
قاراعاندى وبلىسى