شىمكەنت قالالىق سوتىنىڭ توراعاسى تاعايىندالدى

جوعارعى سوتتىڭ اكىمشىلىك ىستەر جونىندەگى سوت القاسىنىڭ توراعاسى اسلان تۇكيەۆ شىمكەنت قالالىق سوتىنىڭ سۋديالارىنا جاڭادان تاعايىندالعان توراعا ءادىلحان شايحيسلاموۆتى تانىستىردى. 

كەزدەسۋگە شىمكەنت قالاسىنىڭ اكىمى عابيت سىزدىقبەكوۆ, قالانىڭ قۇقىق قورعاۋ جانە مەملەكەتتىك ورگاندارىنىڭ باسشىلارى, سۋديالار مەن ادۆوكاتتار قاتىستى. 

ءوز سوزىندە ا.تۇكيەۆ ءادىلحان شايحيسلام ۇلىنىڭ 20 جىل سۋديالىق تاجىريبەسى بارىن, سوت جۇيەسىنىڭ دامۋىنا قوسقان ۇلەسىن, جوعارى بىلىكتىلىگىن, ەرەكشە ادالدىعى مەن قاجىرلى ەڭبەگىن اتاپ ءوتتى. 

جوعارعى سوت القاسىنىڭ توراعاسى ءادىلحان شايحيسلاموۆتىڭ وڭىرلىك سوتتاردىڭ سوت تورەلىگىن ساپالى جۇزەگە اسىرۋىن قامتاماسىز ەتۋ, ازاماتتار مەن كاسىپكەرلەردىڭ قۇقىقتارىن جانە زاڭدى مۇددەلەرىن قورعاۋ بويىنشا وزىنە جۇكتەلگەن جاۋاپتى مىندەتتەردى ورىنداۋعا بار كۇش-جىگەرىن سالاتىنىنا سەنىم ءبىلدىردى. 

ءادىلحان شايحيسلاموۆ 1964 جىلى قىزىلوردا وبلىسىندا دۇنيەگە كەلگەن. 

1996 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن. 

1996-2002 جج. – كونسۋلتانت, قىزىلوردا قالاسى ادىلەت باسقارماسى ءبولىم باستىعىنىڭ ورىنباسارى, بانك كونسۋلتانتى, اق زاڭگەرى; 

2004-2016 جج. – استانا قالاسى سارىارقا اۋداندىق سوتىنىڭ سۋدياسى, سارىارقا اۋدانىنىڭ №2 اۋداندىق سوتىنىڭ سۋدياسى; 

2016-2021 جج. – استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى; 

2021 جىلدان قازىرگى ۋاقىتقا دەيىن – استانا قالالىق سوتىنىڭ قىلمىستىق ىستەر جونىندەگى سوت القاسىنىڭ توراعاسى.