«وتباسى» بانكى توراعاسىنىڭ ورىنباسارى نۇرلان اقشانوۆ 1 مامىردا ىسكە قوسىلاتىن «ناۋرىز» جاڭا يپوتەكالىق باعدارلاماسىنىڭ شارتتارى تۋرالى ايتىپ بەردى, دەپ حابارلايدى Egemen.kz.
پرەزيدەنتتىڭ تاپسىرماسى اياسىندا 1 مامىردان باستاپ «ناۋرىز» باعدارلاماسى ىسكە قوسىلادى.
نۇرلان اقشانوۆتىڭ ايتۋىنشا, دەپوزيتتى اشۋ مەرزىمىنە ەشقانداي تالاپ قويىلمايدى.
«دەپوزيتتە كەم دەگەندە 1 ملن تەڭگە بولۋى كەرەك. سوڭعى 5 جىلدا تۇرعىن ءۇي جانە تۇرعىن ۇيگە قاتىستى وپەراتسيالار بولماۋى كەرەك. يپوتەكالىق نەسيە الەۋمەتتىك وسال توپتارعا 7 پايىزبەن, قالعان ساناتتاعى ازاماتتار ءۇشىن – 9 پايىزبەن بەرىلەدى. العاشقى جارنا - 20 پايىز. قارىز مەرزىمى 19 جىلعا دەيىن سوزىلادى. بيىل وتىنىمدەر 1 مامىرمەن 1 شىلدە ارالىعىندا قابىلدانادى. قابىلدانعان ۇمىتكەرلەردى باعدارلاما اۆتوماتتى تۇردە ىرىكتەيدى. ولاردىڭ ءتىزىمى بانكتىڭ رەسمي سايتىنا جاريالانادى», دەدى ول.
«ناۋرىز» باعدارلاماسى شەڭبەرىندە استانا مەن الماتى بويىنشا باسپانا قۇنىن 36 ملن تەڭگە, وڭىرلەرگە 30 ملن تەڭگە ەتىپ بەكىتۋ ۇسىنىلىپ وتىر.
ءوز كەزەگىندە ونەركاسىپ جانە قۇرىلىس ءمينيسترى قانات شارلاپاەۆ وسى جىلى باعدارلاما بويىنشا 300 ملرد تەڭگەگە 12 مىڭ يپوتەكالىق نەسيە بەرىلسە, ودان ءارى 8 مىڭ نەسيە بەرۋ ءۇشىن جىل سايىن 200 ملرد تەڭگە قاراستىرىلاتىنىن ايتتى.