تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين سۋ تاسقىنى بولىپ جاتقان وڭىرلەرگە گۋمانيتارلىق كومەك جەتكىزەتىن 3 درون ساتىپ الىنعانىن حابارالادى, دەپ جازدى Egemen.kz.
ARC Drones درون قۇرىلعىسىنىڭ 3 داناسى امەريكادان ساتىپ الىندى.
«قازىر ARC Drones وكىلدەرى اتىراۋ قالاسىندا ءجۇر, ولار تجم قىزمەتكەرلەرىمەن بىرلەسىپ ەڭ شالعاي جانە جەتكىزۋ قيىندىق تۋعىزاتىن جەرلەرگە ازىق-ت ۇلىك, ءدارى-دارمەك پەن باسقا دا ومىرلىك ماڭىزدى زاتتاردى شۇعىل تاسىمالداۋ جۇمىستارىنا كىرىسۋگە دايىن», دەپ جازدى باعدات مۋسين.
ARC Drones – وتانداستارىمىز الىبەك ەرساي مەن اسەل تۇرسىن نەگىزىن قالاعان امەريكالىق ستارتاپ. بۇل دروندار 10 كم راديۋستا 30-40 كەلىگە دەيىن جۇك كوتەرىپ, كۇنىنە 100-گە دەيىن رەيس جاساي الادى.
مينيستر اتالعان دروندار سۋ سىنامالارىن دا جيناۋعا قاۋقارلى ەكەنىن ايتتى.
سونداي-اق ARC Drones درون قۇرىلعىسى قۇتقارۋشىلار مەن ەرىكتىلەردىڭ قاۋىپسىزدىگىن قامتاماسىز ەتىپ, جۇمىسىن جەڭىلدەتەدى.