اقمولا وبلىسىنا قاراستى ءۇش اۋداندا اپاتقا قارسى جۇمىستار تاۋلىك بويى جۇرگىزىلىپ جاتىر. ايماقتىڭ 95 ەلدى مەكەنىندە تاسقىن سۋدىڭ تۇرعىن ۇيلەردى باسۋىنا جول بەرىلمەدى, دەپ حابارلايدى Egemen.kz kaz.inform.kz سايتىنا سىلتەمە جاساپ.
اۋماقتىق تجد ءباسپاسوز قىزمەتىنىڭ مالىمەتىنشە, جارقايىڭ, ەسىل, تسەلينوگراد اۋداندارىندا تاسقىنعا قارسى شارالارعا توتەنشە جاعدايلار مينيسترلىگى, مەملەكەتتىك كۇزەت قىزمەتى, ىشكى ىستەر مينيسترلىگى, قورعانىس مينيسترلىگى, اتقارۋشى ورگاندار, سونداي-اق, ۆولونتەرلار مەن جەرگىلىكتى تۇرعىنداردان بارلىعى 300-دەن استام ادام جانە 50 تەحنيكا جۇمىلدىرىلعان.
«وبلىستىڭ بىرقاتار جەرلەرىندە سۋ تاسقىنىنىڭ قاۋىپتى كەزەڭى ارتتا قالدى. قوسىمشا كۇشتەر مەن قۇرالدار اتباسار جانە جارقايىڭ اۋداندارىنان ورنالاسقان جەرلەرىنە باعىتتالدى. وبلىس بويىنشا بارلىعى 95 ەلدى مەكەندە جەكە تۇرعىن ۇيلەردى سۋ باسۋعا جول بەرىلمەدى», دەدى ۆەدومستۆودان.