ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ەل وڭىرلەرىندە بولىپ جاتقان سۋ تاسقىنى سالدارىنان قازا تاپقان ادامداردىڭ سانىن اتادى, دەپ حابارلايدى Egemen.kz.
«مۇنداي قايعىلى وقيعا بىرنەشە وڭىردە تىركەلدى. اتىراۋ وبلىسىندا 4 ادام, ال تۇركىستان وبلىسىندا كىشكەنتاي بالا سۋعا باتىپ كەتتى. اتالعان وقيعالار بويىنشا قىلمىستىق ءىس قوزعالىپ, الدىن الا تەرگەۋ امالدارى جۇرگىزىلىپ جاتىر», دەدى قوجاەۆ.
باق وكىلدەرى اباي وبلىسىنىڭ اياگوز اۋدانىندا بولعان وقيعانى دا تىلگە تيەك ەتتى. ەسكە سالايىق, اياگوز اۋدانىندا 2 ادام تراكتورمەن بىرگە سۋعا باتىپ كەتكەن ەدى.
«بارلىق دەرەك بويىنشا قىلمىستىق ءىس قوزعالىپ, تەرگەۋ قورىتىندىسى بويىنشا ءتيىستى شەشىم شىعارىلادى», دەدى ۆيتسە-مينيستر.