شىرايى مەن شىرشاسىن ساعىناتىن,
جىر جازىپ توسىپ وتىر تاعى دا اقىن.
جاڭا جىلىم ەسىكتەن جاتسىنباي كىر,
قوناعىمسىڭ باسىڭدى حان ۇعاتىن.
مامىق قار...
اپپاق شامدار... قانداي سۇلۋ,
سوندىقتان با, جاقىنسىڭ جانىما تىم!
ىلەسىپ كۇلكىلەرگە جارقىلداعان,
قانداي سەزىم مۇندايدا شارق ۇرماعان؟!
جاڭا جىلىم كوشىن كور نۇرلى جولدىڭ,
جەر تىنىش, مالىم تۇگەل, حالقىم دا امان!
جاڭا جىلىم اق جارقىن پەيىلمەن كەل,
اق جۇرەك اقىندارداي التىن قالام!
امان مەنىڭ كولىم دە, قامىسىم دا,
ارقار ەلەڭ قاعادى تاعى شىڭدا.
جاڭا ايىما جاس كەلىن سالەم سالدى,
ينابات تانىتقانداي ابىسىنعا.
جاڭا جىلىم, اتىمتاي مىنەزبەن كەل,
مول بولسىن قازىنام دا, تابىسىم دا!
قالام دا, امان مەنىڭ اۋىلىم دا,
ازاتتىقتىڭ بالقيدى باۋىرىندا
قارسى الادى باتاگوي قاريالار,
ىستىق قۇشاق جايادى باۋىرىم دا,
كەل, جاڭا جىل, جايدارى قاباعىڭمەن
تاۋسىلماسىن دۋمانىم, ساۋىعىم دا!
يبرايىم نۇرعالي,
ا.يمانوۆ اتىنداعى جالپى ورتا مەكتەپتىڭ ديرەكتورى.
وڭتۇستىك قازاقستان وبلىسى,
شاردارا قالاسى.