مەملەكەت باسشىسى قاسىم-جومارت توقاەۆتىڭ شاقىرۋىمەن قىرعىزستان پرەزيدەنتى سادىر جاپاروۆ رەسمي ساپارمەن قازاقستانعا كەلەدى. بۇل تۋرالى سپۋتنيك قىرعىزستان حابارلادى, دەپ جازادى Egemen.kz.
قىرعىز پرەزيدەنتىنىڭ ساپارى 18-19 ساۋىرگە جوسپارلانعان.
ەكى ەل پرەزيدەنتتەرى قوس مەملەكەتتىڭ ىنتىماقتاستىعى مەن ونى دامىتۋ پەرسپەكتيۆالارىن تالقىلايدى.
ساپار اياسىندا استانادا ماناس ەسكەرتكىشىنىڭ اشىلۋ سالتاناتى وتەدى.
كۇن تارتىبىنە سايكەس, ەلوردادا قازاقستان - قىرعىزستان بيزنەس-فورۋمى ءوتىپ, زيالى قاۋىم, تالانتتى جاستار مەن عالىمداردىڭ قاتىسۋىمەن دوڭگەلەك ۇستەل ۇيىمداستىرىلادى.