اقمولا وبلىسىنىڭ اكىمى مارات احمەتجانوۆ جارقايىڭ اۋدانىنداعى قىزىل سۋدىڭ جولىندا قالعان ۇشقاراسۋ اۋىلىندا قالىپتاسقان جاعدايدى ءوزى ءجىتى باقىلاپ وتىر.
ەسىل وزەنى تاسىپ, اۋىلعا تارتىلعان ەلەكتر جەلىسىنىڭ باعانالارى قۇلاپ, اۋىلعا باراتىن جولدى دا سۋ شايىپ كەتكەن ەدى. الايدا اۋىل حالقى ازىق-ت ۇلىكتەن, اۋىزسۋدان, ءدارى-دارمەكتەن زارۋشىلىك كورگەن ەمەس. كەشە وسى ۇشقاراسۋ اۋىلىنا تاعى دا قايىق كەلدى. سول قايىقپەن اۋىزسۋ, ازىق-ت ۇلىك, ەسەپتە تۇرعان ءتۇرلى سىرقاتتارعا, بالالارعا قاجەتتى ءدارى-دارمەك, ءتىپتى زەينەتكەرلەردىڭ زەينەتاقىلارى دا وسى قايىقپەن جەتكىزىلدى. قايىقشى قۇتقارۋشىلار ەرتەڭ دە كەلەمىز دەپ كەتتى.
جالپى, بۇل اۋىل جالعىز بيىل عانا سۋ جولىندا قالىپ وتىرعان جوق. قار قالىڭ تۇسكەن جىلدارى سۋ جولىندا قالىپ قوياتىنى بار. بيىل دا سولاي بولدى. قاردىڭ قالىڭ تۇسكەندىگىنەن ۇشقاراسۋ اۋىلىنىڭ ىرگەسىنەن وتەتىن ەسىل ارناسىنان شىعىپ, اۋىلعا قاتىنايتىن جولدىڭ ءبىر بولىگىن الىپ كەتتى. ەلەكتر جەلىلەرى دە قۇلادى. وسى سەبەپتى اۋىلعا جول قاتىناسى بولماي قالدى. قاۋىپسىزدىك ءۇشىن ەلەكتر قۋاتىن اعىتىپ تاستاۋعا تۋرا كەلدى. وبلىس اكىمى مارات احمەتجانوۆ سۋدىڭ بەتى قايتىسىمەن بىردەن جولدى جانە قۇلاعان ەلەكتر باعانالارىن قالپىنا كەلتىرۋدى تاپسىردى جانە وسى ماسەلەنى كۇن سايىن ءوز باقىلاۋىنا الدى.
قازىر سۋدىڭ بەتى قايتا باستادى. جاعداي قالىپقا كەلەر كۇن دە الىس ەمەس, ۇشقاراسۋ اۋىلىنىڭ تۇرعىندارى ازىق-ت ۇلىكسىز, اۋىزسۋسىز قالىپ وتىر دەگەن اقپارات تا تاراپ كەتتى.
اۋىل اكىمى ارىستانبەكوۆتىڭ ايتۋىنشا بىردە-ءبىر اۋىل تۇرعىنى وسى كۇنگە دەيىن «نانىمىز جوق, سۋىمىز جوق» دەپ شاعىم ايتپاعاندىعىن العا تارتادى. بۇل اڭگىمەنى قوزدىرىپ جۇرگەندەر ۇشقاراسۋدا ساۋدا دۇكەندەرىنىڭ يەلەرى ەكەن. ولار جولدىڭ ۋاقىتشا جوقتىعىنان وزدەرىنىڭ ساۋدا ورىندارىنىڭ سورەلەرى ازىق-ت ۇلىكتەن بوس قالعان سوڭ, اۋىل حالقىنىڭ داستارقانى دا بوس قالعانداي سەزىنگەندەرى انىق. الايدا اۋىلدىڭ اتى اۋىل ەمەس پە؟ ءار ءۇيدىڭ قورىنداعى جان ازىعى مەن قوراسىنداعى مال ازىعى ازىرگە تۇگەسىلگەن ەمەس.
ۇشقاراسۋعا كەرەك دەيتىن ازىق-ت ۇلىك, اۋىزسۋ, ءدارى-دارمەك الىپ قايىق كەلدى. ول قايىق جاعداي قالىپقا كەلگەنشە قاتىناپ تۇراتىن بولادى. بۇرىن-سوڭدى بولماعان قىزىل سۋ جۇرگەلى قاراپ جاتقان جان بالاسى قالعان جوق دەسە دە بولعانداي.
تابيعاتتىڭ وسى ءبىر سىنعا سالعان ساتىندە ەل بولىپ, زارداپ شەككەندەرگە اقمولا وبلىسى بويىنشا قولداۋ دا, كومەك تە كورسەتىلىپ جاتىر. شىققان شىعىندار وتەلە باستادى. قاراوتكەل مەن كوكشەتاۋدىڭ وزەن-كولدەرى ارناسىنا تولا باستاعانداي. حالىقتىڭ سەنىمى دە, كوڭىل-كۇيلەرى دە سابىردىڭ ارناسىندا.
جابال ەرعاليەۆ,
جازۋشى
اقمولا وبلىسى