كۇن ءتارتىبى ناقتىلاندى

دەپۋتاتتاردىڭ تالقىلاۋىنا اكىم­­شىلىك قۇقىق بۇزۋشىلىق تۋ­را­لى كودەكسكە ەنگىزىلگەن تۇزەتۋ­­لەر­دى ءبىرىنشى وقىلىمدا قاراۋ ۇسى­نى­لادى. زاڭ جوباسىندا قوعام­دىق جۇ­مىس­تارعا تارتۋ تۇرىندە اكىم­شى­لىك جازا ەنگىزۋ, ونى ورىنداۋ تە­­تىگ­ىن جانە جازانىڭ وسى ءتۇرىن قول­­دانۋ قۇرامىن ايقىنداۋ كوزدە­لە­دى, سونداي-اق اكىمشىلىك قۇقىق بۇزۋ­­شى­­لىق تۋرالى ىستەردى جۇرگىزۋ كەزىن­دە كۇش­تەپ اكەلۋ ماسەلەلەرىن زاڭ­نا­ما­لىق رەگلامەنتتەۋ قاراستىرىلادى.

الداعى جالپى وتىرىستا دەپۋتاتتار مەملەكەتتiك ناگرادالار تۋرالى زاڭ جوباسىنا ەنگىزىلەتىن تۇزەتۋ­لەردى قارايدى. قۇجات «ايبىن» وردەنىنىڭ دارەجەلەرىنە ساعا­دات نۇرماعامبەتوۆ, باۋىر­جان مومىش ۇلى جانە راحىمجان قوش­قار­باەۆتىڭ ەسىمدەرىن بەرۋدى كوزدەيدى. زاڭ جوباسى مەملە­كەت باسشىسىنىڭ ۇلتتىق ق­ۇ­رىل­تاي­دىڭ ءۇشىنشى وتىرىسىندا بەر­گەن تاپسىرماسىن ورىنداۋ ماقساتىن­دا پارلامەنت دەپۋتاتتارى­نىڭ باستاماسىمەن ازىرلەندى.

سونىمەن قاتار ەكىنشى وقى­لىمدا دەپۋتاتتار «ماسس-مەديا تۋرالى» جانە «عىلىم جانە تەحنولوگيالىق ساياسات تۋرالى» ۇكىمەتتىك زاڭ جوبالارىن ىلەسپە تۇزەتۋلەرىمەن قارايدى. سونداي-اق سالىق كودەكسىنە عىلىم ماسەلەلەرى جونىندەگى وزگەرىستەر ەنگىزىلەدى.

ءماجىلىس اكىمشىلىك قۇقىق بۇزۋ­شىلىق تۋرالى كودەكسكە ماسس-مەديا ماسەلەلەرى بويىنشا وز­گەرىستەر ەنگىزۋ تۋرالى جانە رە­سەي­مەن ءبىرتۇتاس ەنەرگەتيكالىق جۇ­يە­­لەرىنىڭ قاتار جۇمىس ىستەۋىن قامتاماسىز ەتۋ جونىندەگى شارالار تۋرا­لى كەلىسىمدى راتيفيكاتسيالاۋ تۋرالى زاڭ جوباسىن جۇمىسقا الادى.