ەلدىڭ سولتۇستىك جانە باتىس وڭىرلەرىندەگى ەلدى مەكەندەرگە تاسقىن سۋدىڭ كەلۋى تولاستاماي تۇر. سوندىقتان ءماجiلiس دەپۋتاتتارى جاعدايدى باقىلاۋ ءۇشiن ايماقتاردا ءجۇر. ولار اپاتقا قارسى جۇمىستاردى ۇيىمداستىرۋعا كومەكتەسىپ, زارداپ شەككەن تۇرعىندارعا مەملەكەتتىك قولداۋ شارالارىن ءتۇسىندىرىپ جاتىر. بۇل تۋرالى ءماجىلىستىڭ ءباسپاسوز قىزمەتى حابارلادى, دەپ جازادى Egemen.kz.
قوستاناي وبلىسىندا جۇرگەن دەپۋتات ەكاتەرينا سمىشلياەۆا جەرگىلىكتى ۆەدومستۆو وكىلدەرىمەن جانە سۋ تاسقىنىنان زارداپ شەككەن التىنسارين مەن ميچۋرينو اۋىلدارىنىڭ تۇرعىندارىمەن كەزدەستى. التىنساريندا 141 ءۇيدى, ميچۋرينودا 34 ءۇيدى سۋ شايىپ كەتكەن.
«قازىر ەڭ باستىسى – ازاماتتاردىڭ قاۋىپسىزدىگىن قامتاماسىز ەتۋ جانە ماتەريالدىق شىعىندى بارىنشا ازايتۋ. كوميسسيا مۇشەلەرى ۇيلەردىڭ جاعدايىن باعالاۋ ءۇشىن اۋدان اكىمدىگىمەن بىرلەسىپ جۇمىس ىستەيمىز. احۋال تولىق تۇراقتالعانشا ءبىز وسىندا بولىپ, باقىلاۋدا ۇستايمىز», دەدى ەكاتەرينا سمىشلياەۆا.
سونداي-اق دەپۋتات زارداپ شەككەن تۇرعىندارعا كورسەتىلەتىن مەملەكەتتىك قولداۋ شارالارى, قارجىلاي كومەك الۋ, وتەماقى تولەۋ پروتسەدۋرالار تۋرالى ناقتى اقپارات بەردى. جيىندا گۋمانيتارلىق كومەك, سونىڭ ىشىندە ازىق-ت ۇلىك, كيىم-كەشەك پەن قاجەتتى زاتتار تاراتىلدى.
ءماجىلىس دەپۋتاتتارى قازىبەك الىشەۆ, امانجول ءالتاي جانە اسقار سادىقوۆ اقتوبە وبلىسىندا جۇمىستارىن جالعاستىرىپ, سۋ تاسقىنىنان ەڭ كوپ زارداپ شەككەن ويىل اۋدانى تۇرعىندارىمەن كەزدەستى.
قازىر ويىل اۋىلىنا باراتىن جولدىڭ سۋ شايعان بولىگى جوندەلىپ, كولىكتەر وتە باستادى. دەپۋتاتتار جەرگىلىكتى اتقارۋشى ورگاندارعا كوپىردى قالپىنا كەلتىرۋدى جەدەلدەتۋ كەرەكتىگىنە نازار اۋداردى.
ءوز كەزەگىندە, حالىق باسپانا جايىنا الاڭداۋلى. قازىرگى ۋاقىتتا ءۇيى سۋعا كەتكەن تۇرعىندارعا ۋاقىتشا قونىستانۋى ءۇشىن اسكەري پالاتكا تىگىلىپ, اعاش ۇيلەر تۇرعىزۋعا اۋداندىق بيۋدجەتتەن قارجى بولىنگەن.
دەپۋتاتتار اينا ءمىسىرالىموۆا, گاۋھار تاناشەۆا جانە داۋلەت مۇقاەۆ اقمولا وبلىسىنىڭ بىرنەشە اۋدانىندا بولدى. اتباسار قالاسىندا جاباي وزەنىنىڭ دەڭگەيى ارتىپ, 4,5 مەتردى قۇراپ وتىر. قوسىمشا بوگەتتەر سالۋ جانە نىعايتۋ جۇمىستارى جۇرگىزىلىپ جاتىر. وعان اكىمدىكتەردىڭ, اقمولا جانە جامبىل وبلىستارىنىڭ توتەنشە جاعدايلار دەپارتامەنتىنىڭ كۇشتەرى, كۋرسانتتار, اسكەري قىزمەتشىلەر مەن ەرىكتىلەر جۇمىلدىرىلدى. 123 ادام قاۋىپسىز جەرگە كوشىرىلدى.
ەسىل جانە قىزىل سۋ وزەنىندەرىنگى سۋ دەڭگەيىنىڭ كوتەرىلۋىنەن ەسىل اۋدانىنداعى ەلدى مەكەندەردى سۋ باسۋ قاۋپى تۋىنداپ وتىر. وسىعان بايلانىستى سوڭعى تاۋلىكتە قۇتقارۋشىلار لەنينسكوە, يگىلىك جانە سۆوبودنوە اۋىلدارىنان 461 ادامدى قاۋىپسىز جەرگە كوشىردى. قازىرگى ۋاقىتتا سۋ تاسقىنىنا قارسى ءىس-شارالار جالعاسىپ جاتىر.
سونداي-اق دەپۋتاتتار ەركەبۇلان مامبەتوۆ, دميتري كولودا جانە باقىتجان بازاربەك سولتۇستىك قازاقستان وبلىسىنىڭ ورتالىعى – پەتروپاۆل قالاسىنىڭ اپاتقا توتەپ بەرۋ دايىندىعىمەن تانىستى. وندا وسى اپتادا سۋ تاسقىنىنىڭ شارىقتاۋ شەگى بولۋى مۇمكىن. سۋ قالاعا سەرگەەۆ بوگەنىنەن كەلە جاتىر. جول بويىنداعى ەلدى مەكەندەردەن, سونىڭ ىشىندە پوكروۆكا مەن نوۆونيكولسكوە اۋىلدارىنان ءوتتى.
«باستى مىندەت – قاۋىپسىزدىك. تۇرعىندار مەن اۋىلدىق وكرۋگ اكىمدەرىنىڭ بۇعان جەتكىلىكتى ءمان بەرمەگەنىن بايقاپ وتىرمىز. سۋ دەڭگەيى وتە ۇلكەن. تۇرعىنداردا م ۇلىك شىعىندارىن وتەۋگە قاتىستى كۇمان بار. سوندىقتان ءبىز وسىندا ءجۇرمىز. سۋ تاسقىنان زارداپ شەككەن تۇرعىنداردىڭ بارلىعىنا تولەم بەرىلەتىنىن ءتۇسىندىرىپ جاتىرمىز», دەدى ەركەبۇلان مامبەتوۆ.
قازىر پودگورا شاعىن اۋدانىنداعى بوگەتتى نىعايتۋ جۇمىستارى قارقىندى ءجۇرىپ جاتىر. زارەچنىي اۋىلىندا پوليتسيا مەن توتەنشە جاعدايلار قىزمەتى تۇرعىنداردى سۋ باسقان ايماقتان ەۆاكۋاتسيالاپ جاتىر, بىراق 47 ادام ۇيىنەن كەتۋدەن باس تارتتى. دەپۋتاتتار ولارعا جاعدايدى ءتۇسىندىردى. ءدال وسى كۇنى پەتروپاۆل سۋ تورابىنىڭ جاعدايىمەن تانىسىپ, كوجەۆەننىي كەنتىندەگى بوگەتتى دە ارالادى.
دەپۋتات ازات پەرۋاشەۆ تا قازىر وسى وبلىستا ءجۇر. بۇگىن ول ەسىل وزەنىنىڭ شىعىس جاعالاۋىن قاراپ شىقتى. مۇندا الداعى بىرنەشە ساعاتتا سۋ دەڭگەيى كوتەرىلەدى دەپ بولجانىپ وتىر. ماجىلىسمەن سونداي-اق تەپليچنوە اۋىلىنىڭ تۇرعىندارىمەن كەزدەسىپ, قۇتقارۋ جۇمىستارىنا قاجەت رەزەڭكە قايىقتار مەن ارنايى كيىمدەر تابىستادى. الداعى ۋاقىتتا سۋ تاسقىنى ايماعىندا ورنالاسقان باسقا دا ەلدى مەكەندەر قامتىلادى.