تانىمال ءانشى ديماش قۇدايبەرگەن سۋ تاسقىنىنان زارداپ شەككەن قۇلسارى تۇرعىندارىمەن جۇزدەسىپ, ولارعا قولداۋ كورسەتتى, دەپ جازادى Egemen.kz.
«وسىنداي قيىن ساتتە ءبىر جاعادان باس, ءبىر جەڭنەن قول شىعارىپ, ءبىر-بىرىمىزگە كومەك كورسەتىپ جۇرۋگە جازسىن. ەڭ باستىسى ەلىمىز امان, جۇرتىمىز تىنىش بولسىن. قازىر بىزگە بىرلىك كەرەك. سابىر ساقتاۋ كەرەك. قۇدايدان ۇلكەن ءۇمىت پەن جاقسىلىق تىلەيىك», دەدى ديماش.
قۇلسارى تۇرعىندارى ءانشىنىڭ جاناشىرلىعىنا ريزا بولىپ, العىستارىن ايتتى. ال ديماش ءوز كەزەگىندە جىلى سوزدەرى مەن تىلەگىن ارنادى.
«مەملەكەت تاراپىنان كومەك كورسەتىلەتىنىن جاڭالىقتاردان وقىپ جاتىرمىن, مەن دە پرەزيدەنتىمىزگە سىزدەرمەن بىرگە سەنىپ وتىرمىن. بۇگىن وسى جەرگە كەلۋىمىزگە وسىنداي جاعداي سەبەپ بولسا, الداعى ۋاقىتتا تەك قۋانىشتى ساتتەردە كەزدەسە بەرەيىك», دەدى ديماش قۇدايبەرگەن.