اتىراۋ وبلىسى اكىمىنىڭ ءباسپاسوز حاتشىسى رۋسلان جۇماعازيەۆ سۋ تاسقىنىنا قارسى جۇرگىزىلىپ جاتقان شارالار تۋرالى اقپارات ۇسىندى, دەپ حابارلايدى Egemen.kz.
«جاعالاۋدى قورعاۋ جۇمىستارىن كۇشەيتۋ ماقساتىندا بارلىق جول-قۇرىلىس جۇمىستارى توقتاتىلدى. ءىرى مۇناي كومپانيالارىمەن دە كەلىسسوزدەر جۇرگىزىلدى. ناتيجەسىندە اتىراۋ قالاسى 107 ۋچاسكەگە ءبولىنىپ, ءبىر عانا قالانىڭ وزىندە 673-كە جۋىق ارنايى تەحنيكا مەن 7 مىڭعا جۋىق ەرىكتى جۇمىس ىستەپ ءجۇر. سوڭعى ءۇش كۇندە 42 شاقىرىم جاعالاۋدى قورعاۋ بوگەتتەرى مەن 350 مىڭنان استام قاپ توسەلدى», دەدى رۋسلان جۇماعازيەۆ ورتالىق كوممۋنيكاتسيالار قىزمەتىندە وتكەن بريفينگتە.
رۋسلان جۇماعازيەۆتىڭ ايتۋىنشا, مۇنداي جۇمىستار يندەر اۋدانىندا دا جۇرگىزىلىپ جاتىر, قازىرگى ۋاقىتتا جايىق وزەنىندەگى سۋ دەڭگەيى 4,39 مەتردى قۇراپ, جاعالاۋدى بەكىتۋ جۇمىستارىنا 74 بىرلىك تەحنيكا مەن 610 جۇمىسشى جۇمىلدىرىلعان.
سونداي-اق ماحامبەت اۋدانىندا 37 شاقىرىم بوگەت نىعايتىلىپ, 12,8 شاقىرىم بوگەت قايتا سالىندى.
قىرمىزى جۇماعاليقىزى,
ەۇۋ ستۋدەنتى