6 ساۋىردە قارۋلى كۇشتەردىڭ ينجەنەرلىك تەحنيكاسى قوناەۆ گارنيزونىنان ەلدىڭ باتىسىنداعى سۋ باسقان ايماقتا ۋاقىتشا بايلانىس وتكەلىن ۇيىمداستىرۋ ءۇشىن جەتكىزىلدى.
وسى وتكەلدىڭ ارقاسىندا 58012 اسكەري ءبولىمنىڭ اسكەري قىزمەتشىلەرى 150 ادامدى ەۆاكۋاتسيالاپ, 3 توننا جۇك تاسىمالدادى. پونتون كوپىرى 60 توننا جۇكتى تاسىمالداي الادى.
ەل پرەزيدەنتى – قارۋلى كۇشتەر جوعارعى باس قولباسشىسىنىڭ نۇسقاۋىنا سايكەس قورعانىس مينيسترلىگى حالىققا كومەك كورسەتۋ ءۇشىن «باتىس» وڭىرلىك قولباسشىلىعىنىڭ اسكەري بولىمدەرىنەن قوسىمشا 300 اسكەري قىزمەتشىنى جىبەردى. اتىراۋ وبلىسىندا قۇلسارى قالاسىنان 30 شاقىرىم جەردە جەم وزەنىنەن ءوتۋ ءۇشىن «باتىس» وڭىرلىك قولباسشىلىعىنان قۇرامىندا 7 اسكەري قىزمەتشى بار ساپەرلەر كومانداسى مۇزدى جاردى.
41433 جانە 99116 اسكەري بولىمدەرىنىڭ اسكەريلەرى ويىل وزەنىندە, سونداي-اق قۇلسارى قالاسىندا, يندەر اۋدانىنىڭ قاراباۋ اۋىلىندا سۋ باسۋ قاۋپى باسىم جەرلەردىڭ جاعالاۋىن كۇشەيتۋ شارالارىن ىسكە اسىردى.
ەلىمىزدىڭ ءۇش وڭىرىندە اپاتتان قۇتقارۋ شارالارىنا اۋماقتىق قورعانىس بريگادالارىنىڭ جەكە قۇرامى تارتىلدى. قوستاناي قالاسىندا 99260 اسكەري ءبولىمنىڭ 129 اسكەري قىزمەتشىسى توبىل وزەنىنىڭ جاعالاۋىن كۇشەيتۋگە اتسالىستى. پەتروپاۆل قالاسىندا 99275 اسكەري ءبولىمى جەكە قۇرامىنىڭ 30 ادامى سۋ ارناسى اۋدانىندا وسىنداي جۇمىس جۇرگىزدى. باتىس قازاقستان وبلىسىندا ورال قالاسىنان بەس شاقىرىم جەردەگى مەلوۆىە گوركي اۋىلىندا 99250 اسكەري ءبولىمنىڭ 52 جاۋىنگەرى قۇم سالىنعان قاپتار دايىندادى.
اقتوبە قالاسىندا اۋە قورعانىسى كۇشتەرى اسكەري ينستيتۋتىنىڭ 167 ادامنان قۇرالعان جەكە قۇرامى قارعالى وزەنىنىڭ ارناسىن نىعايتۋ جۇمىستارىنا جۇمىلدىرىلدى.
سوڭعى تاۋلىكتەردە سۋ تاسقىنىنا قارسى شارالارعا 884 اسكەري قىزمەتشى, 46 كولىك, 4 تىكۇشاق جانە ۇشاق جۇمىلدىرىلدى. اسكەري قىزمەتشىلەر قۇم سالىنعان 25000 قاپ دايىنداپ, توسەدى. جەرگىلىكتى بيلىك, قۇتقارۋشىلار جانە حالىق اراسىنان 74 ادامدى, ونىڭ ىشىندە ەۆاكۋاتسيالانعان 5 ادامدى تاسىمالداۋعا اۋە قورعانىسى كۇشتەرىنىڭ ۇشقىشتارى كومەك كورسەتتى.
27 ناۋرىز بەن 6 ءساۋىر ارالىعىندا جالپى سانى 2128 اسكەري قىزمەتشى, 105 اۆتوتەحنيكا, 15 تىكۇشاق, 4 اسكەري-كولىك ۇشاعى جۇمىلدىرىلدى. سۋ باسقان ايماقتاردا قوستاناي, اباي, باتىس قازاقستان, اقتوبە وبلىستارىندا 2127 ادام, ونىڭ ىشىندە 625 بالا ەۆاكۋاتسيالاندى. 80 تونناعا جۋىق جۇك تاسىمالداندى. 79 مىڭنان استام قۇم سالىنعان قاپ دايىندالىپ, توسەلدى, 1700 مەتردەن استام اعىن سۋ كارىزى تازارتىلدى.
بۇل جۇمىستار تج جويۋ جونىندەگى رەسپۋبليكالىق جانە وبلىستىق جەدەل شتابتارمەن بىرگە جۇرگىزىلىپ جاتىر.