قوستاناي وبلىسىنىڭ اكىمى قۇمار اقساقالوۆ ءوڭىر تۇرعىندارىنا سۋ تاسقىنىنىڭ الدىن الۋ جۇمىستارى تۋرالى باياندادى. اكىمنىڭ ايتۋىنشا, وڭىردە سۋ تاسقىنىنىڭ ەڭ قاۋىپتى كەزەڭى ءوتتى دەپ ايتۋعا بولادى. نەگىزگى سۋ قويمالارى جىبەرىپ جاتقان سۋ مولشەرى دە ازايىپ كەلەدى.
«ماسەلەن, قاراتومار سۋ قويماسىندا سۋ جىبەرۋ تاريحىنداعى ەڭ جوعارعى مولشەر تىركەلدى. قازىر اتالعان سۋ قويماسىنان جىبەرىلىپ جاتقان سۋ مولشەرى 660 م3/س-قا ازايىپ, سەكۋندىنا 2 640 تەكشە مەتردى قۇرادى. جوعارعى توبىل جانە جەلقۋار سۋ قويمالارىندا دا جىبەرىلىپ جاتقان سۋدىڭ مولشەرى ازايىپ جاتىر. وزەندەردەگى سۋ دەڭگەيى تومەندەپ كەلەدى. توبىل وزەنىنىڭ جوعارعى توبىل سۋ قويماسىنىڭ جوعارى جاعىنا ورنالاسقان گيدرولوگيالىق بەكەتتەگى سۋدىڭ تاۋلىك ىشىندە 56 سم-گە تومەندەۋى تىركەلدى. ايەت وزەنىنىڭ 63 سم-گەتومەندەگەنى بايقالدى. جالپى, وبلىس بويىنشا جاعداي بىرتىندەپ تۇراقتالىپ كەلەدى. قاراسۋ اۋدانىنداعى ءتىنتۋىر, قۇندىزدى جانە قاراسۋ وزەندەرىندە سۋ دەڭگەيىنىڭ تومەندەۋى تاۋلىگىنە 17-دەن 127 سم-گە دەيىن بولدى. وبلىستىڭ وڭتۇستىك اۋداندارىنداعى تورعاي, ءدامدى جانە قابىرعا وزەندەرىندە ءالى دە جوعارى دەڭگەي ساقتالىپ وتىر. قالعان وزەندەردە نەگىزىنەن سۋ دەڭگەيى تومەندەدى», دەدى قۇمار اقساقالوۆ.
وبلىس اكىمى سۋ تاسقىنىنان زارداپ شەككەندەرگە كومەك كورسەتۋ جۇمىستارى باستالعانىن ايتتى. تۇرعىندارعا بىرجولعى الەۋمەتتىك تولەمدەر بەرىلەدى, سونداي-اق دەمەۋشىلىك جانە گۋمانيتارلىق كومەك كورسەتىلەدى. بۇگىنگە دەيىن 587 وتباسىعا 107,3 ملن تەڭگە تولەنگەن.
وبلىستا قازىرشە 28 ەلدى مەكەن جارىقسىز وتىر. قاتتى تاسقىننىڭ سالدارىنان باعاندار قۇلاپ, ىستەن شىقتى. بۇل ولاردى قالپىنا كەلتىرۋ جۇمىستارىن قيىنداتىپ وتىر, سۋ كەتكەننەن كەيىن جۇمىس جالعاسادى. سۋ تاسقىنى كەزىندە 24 اۆتوجولدا قوزعالىس شەكتەلدى, قازىر 9 جولداعى قوزعالىس قالپىنا كەلتىرىلدى. قالعان جۇمىستار جالعاسىپ جاتىر. كەلتىرىلگەن شىعىندى باعالاۋ بويىنشا جۇمىس ءجۇرىپ جاتىر. بارلىق شىعىن تولىق وتەلەدى.
«مەن وسى قيىن-قىستاۋ كەزەڭدە ءبىر جاعادان باس, ءبىر جەڭنەن قول شىعارىپ, ەلدىك پەن بىرلىكتىڭ ۇلگىسىن كورسەتە بىلگەن جەرلەستەرىمە ريزاشىلىعىمدى بىلدىرگىم كەلەدى. توتەننەن كەلگەن اپات وبلىستىڭ بارلىق تۇرعىندارىن بىرىكتىردى. بىرلىك ءبىز ءۇشىن بارىنەن قىمبات! قازاقستان حالقىنىڭ سالت-داستۇرىندە, مۇقتاج جاندارعا كومەكتەسۋ, قول ۇشىن بەرۋ ارقاشان ۇرپاقتان-ۇرپاققا جالعاسىپ وتىرادى. العاشقى كۇننەن باستاپ مەملەكەتتىك قىزمەتشىلەرگە, بيۋدجەت قىزمەتكەرلەرىنە قۇتقارۋشىلارعا, قۇقىق قورعاۋ ورگاندارىنىڭ قىزمەتكەرلەرىنە وسى جاعدايعا بەي-جاي قارامايتىن ازاماتتار, ەرىكتىلەر, قازاقستان حالقى اسسامبلەياسىنىڭ مۇشەلەرى, جەكە ۇيىمداردىڭ قىزمەتكەرلەرى قوسىلدى. مەن ءوزىم تۇرعىنداردىڭ يگى ىستەرى مەن اق جارقىن كوڭىلدەرىنە كۋا بولدىم. سىزدەر وبلىس پەن ەل ءۇشىن قيىن كۇندەردە, سىن ساعاتتاردا ءبىر-بىرىڭىزگە قولداۋ كورسەتىپ, كومەككە كەلدىڭىزدەر. ءوز جۇمىستارىڭىزدى تاستاپ, كوپپەن بىرگە بولدىڭىزدار. زارداپ شەككەندەرگە ازىق-ت ۇلىك تاسىپ, ءتۇنى بويى ەلدىڭ اماندىعىن ويلادىڭىزدار. ءبىز ءبىر ساتتە بىرىگىپ, تابيعي اپاتتىڭ الدىن الدىق. ەگەر وسى بىرلىگىمىز بولماعاندا, اپاتتىڭ سالدارىوتە اۋىر بولار ەدى. قىمباتتى جەرلەستەر! اپات ايتىپ كەلمەيدى. بىراق قوستاناي جۇرتى ناعىز ىنتىماق پەن تاتۋلىقتىڭ جارقىن ۇلگىسىن كورسەتە ءبىلدى. ءبىز بىرگە بولساق, الىنبايتىن قامال جوق. ارقايسىڭىزعا ەرەكشە العىس بىلدىرەمىن!», دەدى ايماق باسشىسى.
قوستاناي وبلىسى