دەنساۋلىق ساقتاۋ مينيسترلىگى ەلىمىزدىڭ بىرقاتار وڭىرىندەگى سۋ تاسقىنى جاعدايىنا بايلانىستى تاعامنان ۋلانۋ مەن جۇقپالى اۋرۋلاردىڭ الدىن الۋ ماقساتىندا تۇرعىندارعا كەيبىر ەرەجەلەردى ۇستانۋعا كەڭەس بەردى, دەپ حابارلايدى Egemen.kz.
دسم تاعامنان ۋلانۋ مەن جۇقپالى اۋرۋلاردىڭ الدىن الۋ ءۇشىن بىرقاتار ەرەجەردى ۇستانۋدى ۇسىنادى:
ءىشۋ جانە تاماق ءپىسىرۋ ءۇشىن تەك بوتەلكەدەگى نەمەسە قايناتىلعان سۋدى پايدالانىڭىز;
سۋ باسۋ ورىندارىندا بۇلاقتاردان, قۇدىقتاردان جانە ۇڭعىمالاردان سۋ ىشپەڭىز;
سۋ تاسقىنىنا مالىنعان تاماق ونىمدەرىن پايدالانباڭىز, مۇمكىندىگىنشە ولاردى كەمىرگىشتەر مەن سۋ تاسقىنى ءۇشىن قول جەتپەيتىن جەرلەردە ساقتاڭىز;
تاماق ىشەر الدىندا, دارەتحانادان, سەرۋەندەۋدەن, تاماق دايىنداۋدان كەيىن قولىڭىزدى سابىنمەن جۋىڭىز;
سۋ تاسقىنىنان كەيىن بارلىق بولمەلەردى دەزينفەكتسيالىق ەرىتىندىلەرمەن وڭدەڭىز;
ەگەر جۇقپالى اۋرۋلاردىڭ بەلگىلەرى بولسا (دەنە تەمپەراتۋراسىنىڭ جوعارىلاۋى, جۇرەك اينۋ, قۇسۋ, ءناجىستىڭ بوساۋى, تاماق اۋرۋى, بورتپە جانە ت.ب.), بۇل تۋرالى دەرەۋ مەديتسينا قىزمەتكەرىنە حابارلاۋ قاجەت.