قازاقستاندا تۋىپ, بەلگيادا وسكەن, ەندى بيولوگيالىق اناسىن ىزدەپ جۇرگەن جانىبەك ساۆەلەۆ الەۋمەتتىك جەلىدەگى پاراقشاسىندا ءوزىن اسىراپ العان اناسىن كورسەتتى, دەپ حابارلايدى Egemen.kz.
ونىڭ ايتۋىنشا, اناسىنىڭ ەسىمى - ۆالەري, ول بارلىق سۇراققا جاۋاپ بەرۋگە دايىن.
«بۇل - مەنى اسىراپ العان انام ۆالەري. ول ماعان يسپانياعا بەلگيادان قوناققا كەلدى.
ۆالەري مەنى اسىراپ الۋ ءۇشىن 2004 جىلى قازاقستاننىڭ ارقالىق قالاسىنا كەلگەن.
سىزدەردە دە كوپتەگەن سۇراقتىڭ بارىن سەزەمىن.
پىكىر الاڭىنا سۇراقتارىڭىزدى قويىڭىز, ۆالەري ولارعا جاۋاپ بەرە الادى دەپ ويلايمىن.
«ۆالەري نەگە بالا اسىراپ الدى؟ نەلىكتەن ۆالەري بالانى قازاقستاننان اسىراپ العىسى كەلدى؟» دەگەن سىندى سۇراقتار سىزدەردى دە تولعاندىراتىن بولار؟», دەپ جازدى جەلىدەگى پاراقشاسىنا جانىبەك.