ۇلتىنا قىزمەت ەتكەن قايراتكەر

سانالى عۇمىرىن مەملەكەت مۇراتى, ۇلت كەلەشەگى جو­لىنا, تۋعان ەلىنىڭ تۇعى­رىن بيىك­تەتۋگە ارناعان ومىر­بەك بايگەل­دى­ ۇلى ءوز اۋلىن­دا قاراپايىم جۇمىس­شى بولۋدان باستاپ, پار­لامەنت سەناتىنىڭ ال­عاش­قى توراعاسىنا دەيىنگى ءتۇر­لى قىز­مەت جولىنان ءوتتى. پرە­زي­دەنت كەڭەسشىسى, جام­بىل وب­لىسىنىڭ اكىمى سياقتى جا­ۋاپتى لاۋازىمدار­دى اتقار­دى. 16 جىلدان استام سەنات دەپۋتاتى رەتىندە زاڭ شىعا­رۋ ىسىنە بەلسەنە ارالاسىپ, تاۋەلسىز مەملەكەتىمىز­دىڭ تاريحىندا ءوز قولتاڭباسىن قالدىردى.

تاۋەلسىزدىككە قول جەتكىز­گەن جىلدارى قازاق ەلىنىڭ الدىندا ەكونوميكانى نا­رىق­تىق قاتىناسقا كوشىرۋ­دەن باستاپ, قوعام دامۋىن زاڭنامالىق تۇرعىدا قام­­تا­ماسىز ەتۋگە دەيىنگى ۇل­كەن مىندەتتەر تۇردى. دەربەس مەم­­لەكەت قۇرۋ ءۇشىن ءار سالادا بىلىكتى ماماندار تاپ­شى بولعانى بەلگىلى. عا­سىر­­­لار بويى ارمانداپ جەت­­­كەن تاۋەلسىزدىكتى ساق­تاپ قالۋ ءۇشىن تار جول, تاي­عاق كە­شە ءجۇرىپ, ەل ىرگەسىن نىعاي­تۋ ساياساتكەرلەردىڭ تابان­­­­دىلىعىن تالاپ ەتتى. ەگە­­مەن­­دىكتىڭ ەلەڭ-الاڭىن­داعى سول الاساپىران­نىڭ ور­تا­­­سىندا ومىربەك باي­گەل­دى دە ءجۇردى. «تاۋەل­­سىز­دىك جاريالانعان­نان كە­يىنگى كۇندەرى دە ءتۇرلى ەكو­ن­وميكا­لىق, ساياسي قى­­سىمدار بولىپ تۇردى. باسقاسىن ايتپاعان­دا, قازاق­تىڭ مەملەكەتتىگىنە قارسى ء«رۋبل­دىڭ شەڭبەرىندە قالى­ڭىزدار, ايتپەسە ەل بولۋ­لارىڭ ەكىتالاي» دەگەن كەرى پىكىر­لەر دە سىرتتان ايتىلىپ جاتتى. سول ءۇشىن دە قيىن­نان قيىس­تىرىپ جول تابۋ­دىڭ ار­قاسىن­دا عانا ەل تاۋەلسىز­دىگى­نىڭ ىرگەتاسى بەرىك بولدى», دەگەن بولاتىن ءوزى دە ءبىر ەستەلىگىندە.

ومىربەك بايگەلدى تۇڭ­عىش سەنات توراعاسى بول­عان­دا, سونداي-اق جوعارعى پا­­لا­ت­انىڭ حالىقارالىق قا­تى­ناس­تار, قورعانىس جانە قاۋىپ­سىزدىك كوميتەتىندە ءابىش كەكىلباي ۇلى, ءادىل احمەتوۆ, قۋانىش سۇلتانوۆ, ورالباي ابدىكارىموۆ, عاني قاسىموۆ, امانجول بولەكباەۆ سياقتى قايراتكەر تۇلعالارمەن قويان-قولتىق ارالاسا ەڭبەك ەتتى. ونىڭ تاربيەسى مەن ءتالىمىن كورىپ, تاجىريبەسىن بويىنا ءسىڭىرىپ, بۇگىندە ءتۇرلى جوعارى قىزمەتتە جۇرگەن شاكىرتتەرى دە ءبىر شوعىر. ابىز اقساقال ەل ءۇشىن ەڭ­بەك ەتىپ قانا قويماي, ۇلتى­نىڭ مۇڭىن مۇڭداپ, جو­عىن جوقتايتىن جاندارعا قول­ۇشىن سوزۋدىڭ دا حالىق الدىن­داعى پەرزەنتتىك مىندەت ەكەنىن كەيىنگى ءىزباسارلارىنا وسيەت ەتۋدەن جالىقپادى. جاس شەنەۋنىكتەرگە قاراتا: «ىزدەن, تالپىن, تىم بول­ما­سا سونداي ىستەر اتقاراتىن­داردىڭ, قازاقتىڭ تاريحى مەن مادەنيەتىن زەرتتەيتىندەردىڭ جاعدايىن جاساۋعا قام قىل», دەپ اقىل-كەڭەس ايتۋى – وسى ءسوزىمىزدىڭ دالەلى.

ء«ولدى دەۋگە بولا ما, اي­تىڭ­دارشى, ولمەيتۇعىن ار­تىنا ءسوز قالدىرعان!» دەپ وسىندايدا ايتسا كەرەك. ومىربەك بايگەلدىنىڭ ءوزى دۇ­نيە­دەن كەتكەنىمەن, سو­ڭىن­­دا ۇرپاق جادىنان ۇمى­تىل­­ماس اتى قالدى, ۇلتقا جاسا­عان ەرەن ەڭبەگى قالدى. ەل مۇد­دەسىنە قالتقىسىز قىزمەت ەتكەن تۇلعانىڭ ەسىمى تاريحتان ورىن الىپ, حالقىمىزبەن بىرگە جاساي بەرمەك.