اقمولا وبلىسى كوش باستاپ تۇر

AITAS حولدينگى تالداۋ ور­تا­­­لى­عىنىڭ زەرتتەۋىنە ساي­كەس, قاڭتار-اقپان اي­لا­رىندا اقمولا وبلىسىندا ەڭ كوپ قۇس ەتى ءوندىرىلدى – 14,3 مىڭ توننا, ونىڭ 13,9 مىڭ تون­ناسى – تاۋىق ەتى ماكينسك قۇس فابريكاسىنىڭ ونىمىنە تيە­سىلى. كوشباسشىلار ۇشتىگىنە الماتى وبلىسى (18,5 مىڭ توننا) جانە شىعىس قازاقستان وب­لى­­­سى (وسكەمەن قۇس فابريكا­سى­ وندى­رەتىن 10,3 مىڭ توننا قۇس ەتى) كىرەدى.

تاۋىق ەتىنىڭ ەڭ كوپ تۇتى­نى­لۋى الماتى قالاسى مەن تۇر­كىستان, الماتى وبلىستارىن­دا, ەڭ ازى ۇلىتاۋ جانە سول­تۇس­تىك قازاقستان وبلىستارىندا باي­قالدى. ەڭ قىمبات تاۋىق ەتى ماڭعىستاۋ وبلىسىندا جانە استانا مەن الماتى قالا­لا­رىن­دا تىر­كەلگەن. اقتوبە, الما­تى جانە اباي وبلىسىندا تاۋىق ەتى ەڭ تومەنگى باعادا ساتىلادى. سارا­پ­شىلاردىڭ پىكىرىنشە, قۇس ەتى­نىڭ ماكسيمالدى قۇنى ميني­مۋم قۇنىنان 41%-عا اسىپ تۇسەدى.

«2024 جىلدىڭ قاڭتار جانە اقپان ايلارىندا قازاقستاندا ەتتىڭ كوتەرمە ساۋدا باعاسى تومەن­دەۋ ءۇردىسىن كورسەتتى. نەگىز­گى فاكتورلاردىڭ ءبىرى – ەلدەگى تاۋىق ەتى ءوندىرى­سى­نىڭ ۇلعايۋى جانە جەم كوم­پو­نەنت­تەرى باعاسىنىڭ تومەندەۋى. باعا­لارعا قوسىمشا قىسىم رەسەي­دەن يمپورتتىڭ ءوسۋى بولدى, وندا برويلەر تاۋىقتارى ەتى­نىڭ باعاسى تومەندەۋى باي­قالدى», دەپ اتاپ ءوتتى اقپا­رات­تىق­-تالداۋ ءبولىمىنىڭ مامانى ايجان تولىقبەكوۆا.

بولشەك ساۋدا باعاسى قاڭتار مەن اقپاندا شامالى ءوسۋدى كور­سەتكەن. ساراپشىلاردىڭ پى­كى­رىنشە, ساۋدا جەلىلەرى مەن بول­شەك ساۋدا دۇكەندەرى ەتتى كوتەرمە ساۋدا باعاسىمەن ساتىپ الا وتىرىپ, تۇپكىلىكتى تۇتىنۋشىلارعا ۇستەمە باعامەن ساتۋدى جالعاستىرىپ جاتىر. ال يمپورتتىق ونىمدەر ەلىمىزگە نەگىزىنەن رەسەيدەن (4,7 مىڭ توننادان استام), ۋكراينادان (9 مىڭ توننا), بەلارۋس ەلىنەن (224 توننا) جەتكىزىلەدى. ال وتاندىق تاۋىق ەتى رەسەي مەن قىرعىزستانعا ەكسپورتتالادى. 2024 جىلدىڭ قاڭتارىندا ەلى­مىز 3,7 مىڭ توننا قۇس ەتىن ەكس­پورتتادى. ساراپشىلاردىڭ پى­كىرىنشە, وسى جىلدىڭ قاڭ­تار ايىنداعى ەكسپورتتىق جەت­كى­زى­لىمدەر بىلتىرعى وسى كە­زەڭ­دەگى كور­سەتكىشتەن 2,2 ەسە ارتىق.

AITAS حولدينگىنىڭ تالداۋ ورتالىعى ماماندارىنىڭ اي­­تۋىنشا, ساۋداداعى قيىن­­­دىق­تار, سونىڭ ىشىندە رەسەي­­دىڭ اقش-تان قۇس ەتىنىڭ تران­­زي­تىنە ىقتيمال تىيىم سالۋى جانە رەسەي­دەگى ازىق-ت ۇلىك باعا­سى­نىڭ كۇتىلەتىن ءوسۋى يمپورت شىعىن­دارىن ارتتىرادى جانە بىزدەگى باعاعا قوسىمشا قىسىم جاسايدى. ەلىمىزدە 2024-2025 جىلدارعا ينفلياتسيانىڭ بولجامدى دەڭ­گەيى ءومىر ءسۇرۋ قۇنى مەن وندى­رىس­تىك شىعىنداردىڭ جالپى ءوسۋى اياسىندا باعانىڭ ءوسۋىن بول­جايدى. جيىنتىعىندا بۇل فاك­تورلار جاقىن ارادا ىشكى نا­­رىقتا تاۋىق ەتىنىڭ قۇنىن ارت­­تىرۋ ءۇشىن العىشارتتار قالىپ­تاستىرادى.