كەشە قاسىم-جومارت توقاەۆتىڭ توراعالىق ەتۋىمەن سەنات بيۋروسىنىڭ وتىرىسى بولدى. وندا پالاتانىڭ 17 ماۋسىمدا بولاتىن كەزەكتى جالپى وتىرىسىنىڭ كۇن ءتارتىبى تالقىلاندى, دەپ حابارلادى سەناتتىڭ ءباسپاسوز قىزمەتى.
دەپۋتاتتاردىڭ تالقىسىنا ەل ۇكىمەتى مەن رەسپۋبليكالىق بيۋدجەتتىڭ اتقارىلۋىن باقىلاۋ ءجونىندەگى ەسەپ كوميتەتىنىڭ 2009 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى جانە كەدەن وداعى جونىندەگى قۇجاتتار توپتاماسى قارالاتىن بولادى.
ودان باسقا “قازاقستان رەسپۋبليكاسىنىڭ ۇكىمەتى مەن اۋعانستان يسلام رەسپۋبليكاسىنىڭ ۇكىمەتى اراسىنداعى ءبىلىم بەرۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى”, ء“بىر تاراپتان قازاقستان رەسپۋبليكاسى جانە ەكىنشى تاراپتان ەۋروپالىق قوعامداستىقتار مەن ولارعا مۇشە مەملەكەتتەر اراسىنداعى ارىپتەستىك پەن ىنتىماقتاستىق تۋرالى كەلىسىمگە (اىك), بولگاريا رەسپۋبليكاسى مەن رۋمىنيانىڭ اىك-گە قوسىلۋى تۋرالى حاتتامانى راتيفيكاتسيالاۋ تۋرالى” زاڭ جوبالارى قارالاتىن بولادى.
دەپۋتاتتار “قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى” جانە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۆياتسيا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوبالارىن دا قاراستىراتىن بولدى.
جالپى وتىرىستاعى تالقىلاۋعا “قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايكەستەندىرۋ نومىرلەرى ماسەلەلەرى بويىنشا وزگەرىستەر ەنگىزۋ تۋرالى” جانە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە “ەلەكتروندى ۇكىمەتتى” دامىتۋ ءماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوبالارى دا ۇسىنىلاتىن بولدى.
ورىس شىركەۋى وكىلىمەن جۇزدەستى
كەشە پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قاسىم-جومارت توقاەۆ استانا جانە الماتى ءميتروپوليتى ارحيەپيسكوپ الەكساندرمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
اڭگىمەلەسۋشىلەر قازاقستان-رەسەي ستراتەگيالىق ارىپتەستىگىنىڭ قارقىندى دامۋىن, قازاقستاندىق مەملەكەتتىك ورگانداردىڭ ءدىني ءبىرلەستىكتەر جەتەكشىلەرىمەن, اسىرەسە, ورىس پراۆوسلاۆيە شىركەۋىنىڭ وكىلدەرىمەن سىندارلى قاتىناستارىن ەرەكشە اتاپ ءوتتى.
كەزدەسۋ بارىسىندا الداعى 2012 جىلى وتەتىن كەزەكتى ءىV الەمدىك جانە ءداستۇرلى دىندەر ليدەرلەرى سەزىنە دايىندىق ماسەلەلەرى تالقىلاندى. “وسى القالى جيىن ءدىني ليدەرلەرگە قازىرگى زاماننىڭ وزەكتى ماسەلەلەرى بويىنشا ەركىن ءوزارا پىكىر الماسۋلارىنا مۇمكىندىك بەرگەن تۇراقتى ۇنقاتىسۋ الاڭىنا اينالدى”, – دەدى سەزد حاتشىلىعىنىڭ جەتەكشىسى.
ق.توقاەۆ سەزد بەن ورىس پراۆوسلاۆيە شىركەۋىنىڭ ءتيىمدى ىنتىماقتاستىعى وركەنيەتارالىق جانە مادەنيەتارالىق قۇندىلىقتارمەن قاتار, قازاقستان جانە رەسەي اراسىنداعى وداقتىق قاتىناستاردى ودان ءارى ىلگەرىلەتۋدىڭ ماڭىزدى قۇرامداس بولىگى بولىپ تابىلاتىندىعىن اتاپ ءوتىپ, ورىس پراۆوسلاۆيە شىركەۋىنىڭ وكىلدەرى الداعى فورۋمعا بەلسەنە قاتىساتىندىعىنا سەنىم ءبىلدىردى.
قازاقستان پارلامەنتى سەناتىنىڭ باسشىسى ماسكەۋ جانە بۇكىل رەسەي پاتريارحى كيريللدى كەزەكتى ءىV الەمدىك جانە ءداستۇرلى دىندەر ليدەرلەرى سەزىنە قاتىسۋعا شاقىردى.