ديماش قۇدايبەرگەن: قينالعانعا قول ۇشىن سوزۋ - ەڭ باستى پارىز

«ناۋرىزدىڭ سوڭعى كۇندەرى كۇن كۇرت جىلىنىپ, اقتوبە وبلىسى ايماعىندا جانە ەلىمىزدىڭ تاعى بىرقاتار وڭىرىندە تەز ەرىگەن قار سۋى قارقىندى تۇردە ساي-سالانى تولتىرىپ, اۆتوكولىك جولدارىن شايىپ, بىرنەشە ەلدى مەكەندەردى سۋ باسىپتى. كوپتەگەن وتباسىلاردىڭ باسپاناسى تۇرۋعا جارامسىز بولىپ قالعان. سونداي-اق اقتوبە ايماعىندا وزەندەردەگى مۇز ەرىپ, سۋ قويمالارىنداعى سۋ دەڭگەيىنىڭ كوتەرىلىپ, وزەندەردىڭ ارناسىنان اسۋ قاۋپى جوعارى ەكەن», دەپ جازدى ءانشى.

ونەر يەسى مۇندايعا جول بەرگەندەر جاۋاپ بەرەتىنىنە سەنىم ءبىلدىرىپ, بىرلىگىمىزدى كورسەتۋگە شاقىردى.

«مۇنىڭ سەبەپ-سالدارىن قۇزىرلى مەكەمەلەر انىقتاپ, ماسەلەنىڭ ءتۇيىنىن شەشۋ جولدارىن ىزدەستىرە جاتار.

مەملەكەت تاراپىنان ۇيلەرىن سۋ شايىپ كەتىپ, دالادا قالعان اعايىنعا تولىققاندى كومەك كورسەتىلەتىنىنە سەنىم مول. تاپ قازىرگى ساتتە قينالعانعا قول ۇشىن سوزۋ - ەڭ باستى پارىز.

«وت پەن سۋ - ءتىلسىز جاۋ». قىسىلتاياڭ ساتتە باۋىرلارىمىزعا قول ۇشىن سوزىپ, بىرلىگىمىزدى كورسەتەيىك, اعايىن!», دەپ جازدى ديماش.