سۋ قويمالارىندا تاسقىن سۋىن جيناۋ ورىندارى دايىندالدى

كوكتەمگى سۋ تاسۋ كەزەڭىندە سۋ رەسۋرستارى جانە يرريگاتسيا مينيسترلىگىنىڭ نەگىزگى مىندەتى - سۋ قويمالارىنا تاسقىن سۋىن جيناۋ. ول ءۇشىن الدىن الا رەسپۋبليكالىق مەنشىكتەگى بارلىق سۋ قويمالارىندا تاسقىن سۋىن قابىلداۋ ءۇشىن بوس ورىن دايىندالدى.

قازىرگى ۋاقىتتا بارلىق سۋ قويمالارى سۋ جيناۋ تارتىبىندە جۇمىس ىستەپ جاتىر.

«ەلىمىزدىڭ سولتۇستىگىندە ءىرى سۋ قويمالارى ورتا ەسەپپەن 68%-عا تولدى, بۇل وتكەن جىلمەن سالىستىرعاندا 7%-عا ارتىق. وڭتۇستىكتە بۇل كورسەتكىش 80%-دى قۇرايدى. باتىستا, ورتا ەسەپپەن سۋ جيناۋ كورسەتكىشى 71%, بۇل بىلتىرعىعا قاراعاندا 6%-عا كوپ», دەلىنگەن مينيسترلىك حابارلاماسىندا.

سونداي-اق شىعىستاعى سۋ قويمالارى ورتا ەسەپپەن 60%-عا تولدى, بۇل ءبىر جىل بۇرىنعىدان 9%-عا ارتىق. ورتالىق قازاقستاندا بۇل كورسەتكىش 66%-دى قۇرادى.