«سەرگەك» كامەرالارى الماتى بيۋدجەتىنە قانشا اقشا تۇسىرەدى؟

ايتا كەتەيىك, الماتىدا 7 مىڭنان استام «سەرگەك» كامەراسى جۇمىس ىستەيدى. جاقىندا جاڭالارىمەن تولىقتىرىلىپ, وزگەرىستەر ەنگىزىلدى. ەندى «سەرگەك» كامەراسى ادامنىڭ كوزىنەن دە قىراعى بولىپ, كولىكتەگى ەڭ ۇساق بولشەكتەردى دە تۇسىرە الادى.

الماتى پوليتسيا دەپارتامەنتىنىڭ حابارلاۋىنشا, 2023 جىلى «سەرگەك» اپپاراتتىق-باعدارلامالىق جۇيەلەرىمەن جالپى سوماسى 12 ميلليارد 878 ميلليون 922 مىڭ تەڭگەنى قۇرايتىن 1 847 765 قۇقىق بۇزۋشىلىق تىركەلگەن.

الماتى پوليتسياسى كوشەدەگى «سەرگەك» كامەرالارىنان كەلەسى بۇزۋشىلىق تۇرلەرى تىركەلىپ جاتقانىن حابارلادى:

جىلدامدىقتى شەكتەن اسىرۋ; تۇتاس سىزىقتى كەسىپ ءوتۋ; قوسارلانعان تۇتاس سىزىقتى كەسىپ, كەرى بۇرىلۋ; تىيىم سالىنعان جەردە تۇراق/توقتاۋ; باعدارشامنىڭ تىيىم سالىنعان تۇسىنە ءوتۋ.

سونىمەن قاتار پيلوتتىق جوبا اياسىندا قاۋىپسىزدىك بەلدىكتەرىنىڭ تاعىلماۋى جانە جاياۋ جۇرگىنشىلەر وتكەلىندە جاياۋ جۇرگىنشىلەرگە جول بەرمەۋ فاكتىلەرى تىركەلەدى.

سونداي-اق جاقىندا الماتىدا «سەرگەك» باعدارشامنىڭ سارى تۇسىنە ءوتىپ كەتكەندەردى تىركەۋى مۇمكىن. ناۋرىز ايىنىڭ باسىنان بەرى مۇنداي بۇزۋشىلىق ءتۇرى استانادا تۇسىرىلە باستادى.

ايدىڭ سوڭىنا دەيىن «سەرگەك» بەينەباقىلاۋ كامەرالارى الماتى باراحولكاسىنىڭ ماڭىنداعى جولعا ورناتىلادى.

 

 

قىرمىزى جۇماعاليقىزى,

ەۇۋ ستۋدەنتى