باتىس قازاقستان وبلىسى سىرىم اۋدانىندا سۋ دەڭگەيى ارتىپ, ەلدى مەكەندەردى تاسقىن سۋ باستى. وڭىر اكىمى ناريمان تورەعاليەۆ سىرىم اۋدانىنداعى سۋ تاسقىنىنا قارسى جۇرگىزىلىپ جاتقان جۇمىستارعا باسشىلىق ەتىپ, توتەنشە جاعدايلار قىزمەتىمەن بىرگە اتقارىلىپ جاتقان جۇمىستاردى باقىلادى, دەپ حابارلايدى Egemen.kz.
«وبلىس اكىمى ناريمان تورەعاليەۆ توتەنشە جاعداي ورىن العان سىرىم اۋدانىنا جول تارتىپ, سۋعا كەتكەن اۋىلدىق ەلدى مەكەن تۇرعىندارىنىڭ قاۋىپسىز جەرگە كوشىرىلۋىن قاداعالادى. سونداي-اق سىرىم اۋدانىنىڭ اۋماعىندا اپاتقا قارسى جەدەل شتابتىڭ وتىرىسىن وتكىزدى. ءوڭىر باسشىسى ءتۇنى بويى توتەنشە جاعدايلار مينيسترىمەن بايلانىستا بولىپ, باسقا وبلىستاردان قوسىمشا تەحنيكالار مەن كۇشتەردىڭ باتىس قازاقستانداعى سۋ تاسقىنىنىڭ الدىن الۋعا باعىتتالۋىن قامتاماسىز ەتتى», دەلىنگەن بقو اكىمدىگىنىڭ ءباسپاسوز قىزمەتى تاراتقان مالىمەتتە.
ناريمان تورەعاليەۆ اۋدان ورتالىعىنداعى سۋ دەڭگەيىنىڭ تۇسكەنىنە كوز جەتكىزگەن سوڭ, قاراتوبە اۋدانىنداعى اپاتتىق جاعدايدى باقىلاۋعا جول تارتتى.