قازاقستاندا ەڭ كوپ اجىراساتىن قالا تۇرعىندارى انىقتالدى

اگەنتتىك مالىمەتىنشە, وتكەن جىلى ەلىمىزدە 120,9 مىڭ جۇپ نەكە قيعان. الايدا بۇل كورسەتكىش  2022 جىلمەن سالىستىرعاندا 6 پايىزعا از. بۇل ەڭ تومەنگى كورسەتكىش ەكەنىن ايتا كەتكەن ءجون. بۇعان دەيىن 2008 جىلى رەسمي تۇردە 135 مىڭنان استام جۇپ نەكە قيىپ, وتباسىن قۇرۋدىڭ تومەن دەڭگەيى تىركەلگەن ەدى.

سونىمەن قاتار 2023 جىلى اجىراسۋ دەرەگى دە ازايعان. بىلتىر 16,8 مىڭ جۇپ اجىراسقان. كورسەتكىش  2022 جىلعا قاراعاندا 5,3%-عا از. ماماندار بۇل رەكوردتىق كورسەتكىش ەكەنىن اتاپ ءوتتى. رەسمي دەرەك اۋىل تۇرعىندارىنىڭ اراسىندا اجىراسۋ دەرەگى تومەن ەكەنىن ناقتىلادى. قالادا اجىراسۋ سانى – 5,2%-عا (12,4 مىڭعا دەيىن), اۋىلدا 5,5%-عا (4,4 مىڭ جۇپقا دەيىن) ازايعان.

وڭىرلەر بويىنشا ەڭ كوپ وتباسى قۇرعاندار  تىزىمىندە الماتى قالاسى كوش باستادى:  2023 جىلى 13,1 مىڭ جۇپ نەكەلەستى جانە بۇل 2022 جىلعا قاراعاندا 4%-عا از. ودان كەيىنگى ورىندا – تۇركىستان وبلىسى (11,8 مىڭ) جانە استانا (10,4 مىڭ). ەڭ از نەكە ۇلىتاۋ وبلىسىندا تىركەلگەن – 1,5 مىڭ جۇپ.اجىراسۋ بويىنشا دا الماتى ءبىرىنشى ورىندا: 2023 جىلى – 2,3 مىڭ, 2022 جىلى 2,1%-عا از. ودان كەيىنگى ورىندا – قاراعاندى ​​وبلىسى (1,5 مىڭ) مەن استانا (1,5 مىڭ). ەڭ از اجىراسۋ دا ۇلىتاۋ وبلىسىندا تىركەلدى – نەبارى 198.

اگەنتتىك ەل تۇرعىندارىنىڭ اجىراسۋىنا تۇرتكى بولعان 3 باستى سەبەپتى انىقتادى: 

وتباسىلىق ماسەلەگە تۋىسقانداردىڭ ارالاسۋى;  (61%) مورالدىق كەلىسپەۋشىلىكتەر; (41%) وزگە دە سەبەپتەر; (25%)