«قازگيدرومەت» رمك ەلىمىز بويىنشا 25 ناۋرىزعا ارنالعان اۋا رايى بولجامىن ۇسىندى, دەپ حابارلايدى Egemen.kz.
سينوپتيكتەردىڭ بولجاۋىنشا, ەلىمىزدىڭ باسىم بولىگىندە تۇراقسىز كۇن رايى ساقتالادى.
«اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە اۋا رايىنىڭ تۇراقسىز سيپاتى ساقتالادى, سولتۇستىك وڭىردە جاڭبىر مەن قار تۇرىندە جاۋىن-شاشىن, كوكتايعاق بولادى, سونداي-اق جاياۋ بۇرقاسىن جۇرەدى دەپ كۇتىلەدى. ەلىمىزدىڭ باتىسىندا, وڭتۇستىك-شىعىسىندا جاۋىن-شاشىنسىز اۋا رايى بولادى. قازاقستاننىڭ بارلىق وڭىرىندە تۇمان بولىپ, جەلدىڭ ەكپىنى 15-20 م/س دەيىن كۇشەيۋى ىقتيمال», دەپ حابارلادى «قازگيدرومەت» رمك.