سەمسەرلەسۋدەن قازاقستان ەرلەر قۇراماسى گرۋزيا استاناسى تبيليسيدە وتكەن الەم چەمپيوناتىنىڭ قورىتىندىسى بويىنشا وليمپيادا ليتسەنزياسىن جەڭىپ الدى, دەپ حابارلايدى Egemen.kz.
ۇوك ءباسپاسوز قىزمەتىنىڭ حابارلاۋىنشا, بۇل باسەكەدەگى قازاقستاننىڭ باستى قارسىلاسى سانالعان وڭتۇستىك كورەيا 1/8 فينالدا چەحيا قۇراماسىنا جول بەرىپ, قازاقستان كومانداسىنان 26 ۇپايعا قالىپ قويدى.
وسىلايشا, سەمسەرلەسۋدەن قازاقستان قۇراماسى ءوز تاريحىندا تۇڭعىش رەت كوماندالىق سىندا وليمپيادا ويىندارىنا جولداما جەڭىپ الدى.
الەم كۋبوگى كەزەڭدەرىنىڭ قورىتىندىسى بويىنشا, العاشقى ءتورت ورىندا تۇرعان كوماندا وليمپياداعا تىكەلەي جولداما الادى. جاپونيا سول تورتتىك قاتارىندا پاريجگە بارۋ مۇمكىندىگىن العان سوڭ, ازياداعى جالعىز ليتسەنزياعا قازاقستان مەن وڭتۇستىك كورەيا تالاسقان بولاتىن.
تبيليسيدەگى شەشۋشى سىندا ەلمير ءالىمجانوۆ, رۋسلان قۇربانوۆ, ەرلىك سەرتاي مەن ۆاديم شارلايموۆ تورتتىگى وليمپياداعا ليتسەنزيا يەلەندى. الەمدىك ەرەجە بويىنشا, كوماندالىق سىندا ءبىر, جەكەلەي سىندا ءۇش جولداما قازاقستان قورجىنىنا ءتۇستى.