شىڭدالعان شەبەرلىك

سەرجانت مۇحيادين سۇماعۇل مەن 2-سىنىپتى سەرجانت ورىن­­بەك ساندىبەكوۆ «ۇزدىك جاۋىن­­گەر-2024» جارىسىندا باق سىنا­عان 40 قاتىسۋشىنىڭ ىشىندەگى بىردەن-ءبىر شەتەلدىك بولدى.

ۇلتتىق ۇلاننىڭ, قارۋلى كۇشتەردىڭ جانە اقش-تىڭ باسقا دا كۇشتىك قۇرىلىمدارى ارنايى بولىمشەلەرىنىڭ اسكەري قىزمەتشىلەرى قاتىسقان جارىستا ءبىزدىڭ دەسانتشىلار جاۋىن­گەرلىك دايىندىققا بايلانىست­ى بار­لىق كەزەڭدەردە ۇزدىك ناتي­جەلەر كورسەتتى. اسكەري قىز­مەت­­شىلەر م.سۇماعۇل مەن و.ساندىبەكوۆ دەنە دايىندىعى, امە­ري­كالىق ۇلگىدەگى اتىس قا­رۋىن بولشەكتەۋ, قۇراستىرۋ, ولار­­دى جاۋىنگەرلىك كۇيگە كەل­تىرۋ, تاپانشادان, اۆتوماتتان جانە پۋلەمەتتەن اتۋ جونىندەگى نورماتيۆتەردى ءساتتى ورىندادى.

جارىس باعدارلاماسىندا, سونداي-اق راديوستانسانى باپتاۋ جانە بايلانىسقا شىعۋ, تۇنگى جانە كۇندىزگى ۋاقىتتا جەرگىلىكتى جەردى باعدارلاۋ, العاشقى مەدي­تسينالىق كومەك كورسەتۋ, جارالىلاردى الىپ شىعۋ سەكىلدى تاپسىرمالار دا بولدى.

20 شاقىرىمدىق مارش كە­زىن­­دە قولىنداعى قارۋ-جاراق­پەن جانە 16 كيلو­گرامدىق زاتپەن 35-گۆار­­ديالىق دەسانتتىق-شابۋىل­داۋ بريگاداسىنىڭ سەرجان­تى م.سۇما­عۇل ءبىر ساعات 59 مينۋت­تا مە­جەلى قاشىقتىقتى ەڭسەرىپ, جەڭىس­كە جەتتى.

– جارىستى ۇيىمداس­تى­رۋ­­­شىلار بايقاۋ تاريحىندا­ مۇن­داي جاعداي ءالى بولعان جوق دەپ مالىمدەدى. ءبىزدىڭ دەسانت­شى­مىز­دىڭ جەتىستىگىن اتى اڭىزعا اينال­عان كەنيالىق جۇگىرۋشى وليم­پيادا چەمپيو­نى ەليۋد كيپچو­گەنىڭ رەكوردىمەن سالىس­تىردى, – دەپ ناقتىلادى قازاق­ستان قارۋلى كۇشتەرىنىڭ باس سەر­جانتى, سەرجانت تەمىربەك حالىقوۆ.

2-سىنىپتى سەرجانت و.سان­دى­­­بەكوۆ تە جاۋىنگەرلىك دا­يىن­دىق پاندەرىندە ۇزدىك ناتي­جە­گە جەتىپ, مارشتا ەكىنشى ورىن­­­نان كورىندى.