ناۋرىز مەيرامىن مەرەكەلەۋ اياسىندا كورنەكتى عالىم قانىش يمانتاي ۇلى ساتباەۆتىڭ تۋعانىنا 125 جىل تولۋىنا ارنالعان وبلىستىق وقۋشىلار ايتىسى بولىپ ءوتتى.
ساتباەۆ قالاسىنداعى ش.دىلدەباەۆ اتىنداعى كەنشىلەر سارايىندا «نار تۇلعا, تاۋ تۇلعا!» تاقىرىبىمەن وتكەن ايتىسقا جەزقازعان, ساتباەۆ قالالارىنىڭ, جاڭاارقا, ۇلىتاۋ اۋداندارىنىڭ مەكتەپ وقۋشىلارى قاتىسىپ, ءسوز كورىگىن قىزدىردى.
سىر سۇلەيى تۇرماعامبەت ىزتىلەۋ ۇلىنىڭ وزىنەن كەيىنگى تولقىنعا قاراپ تۇرىپ, «سۇيرىكتەي سۋدان شىعىپ كەلە جاتقان, جاس اقىن جانە دە كوپسوزدى ناستار. جاڭارتپاي بۇلار جۇرتتى قويادى ما, بولعان سوڭ بىرەۋى – تىس, بىرەۋى – استار» دەپ سۇيىسپەنشىلىك بىلدىرەتىنى سەكىلدى, وقۋشىلار ايتىسىنا قاتىسقان تالاپكەرلەردىڭ اياق الىسترىنا قاراپ, ولاردىڭ ەرتەڭى تانىلعانداي بولدى.
ايتىستىڭ اراسىندا كورەرمەندەر جاس جىرشى-تەرمەشىلەردىڭ ونەرلەرىن دە تاماشالادى.
«لۇقپان حاكىم «ۇرپاعىممەن مىڭ جاسايمىن» دەگەن عوي. سول ايتپاقشى, ۇلتتىق تامىردان ءنار العان ونەرلى ۇل-قىزدارىمىزدى كورگەندە قۋانامىن, ەلىمىزدىڭ ەرتەڭىن كورگەندەي بولامىن. جەتكىنشەكتەر اراسىندا وسىنداي ءىس-شارالاردى ءجيى وتكىزىپ تۇرساق, ۇتارىمىز كوپ بولماق. جاستار بىرتە-بىرتە جەتىلەدى, شىڭدالادى», – دەدى ونەرلى جاستارعا ءسۇيسىنىسىن بىلدىرگەن قازاقستان جازۋشىلار وداعىنىڭ مۇشەسى, اقىن مۇسا تىلەۋوۆ.
ايتىستىڭ 100 مىڭ تەڭگەلىك باس بايگەسى جەزقازعاندىق 8-سىنىپ وقۋشىسى جۇبان كامالبەككە بۇيىردى.
ۇلىتاۋ وبلىسى