قوستاناي قالاسىنداعى «Allur» زاۋىتىندا «Chevrolet وnix» اۆتوموبيلدەرىن شىعاراتىن جاڭا CKD كەشەنى ىسكە قوسىلدى. جاڭا كەشەندى ىسكە قوسۋ راسىمىنە ونەركاسىپ جانە قۇرىلىس ءمينيسترى قانات شارلاپاەۆ, «General Motors» جانە «UzAuto» كومپانيالارى توپ-مەنەدجەرلەرى قاتىستى.
33,7 ملرد تەڭگەنى قۇرايتىن جاڭا جوبا اياسىندا «Allur» زاۋىتى جىلىنا 30 مىڭ اۆتوكولىك شىعارۋدى جوسپارلاپ وتىر. سونداي-اق جوعارى بىلىكتى ماماندار ءۇشىن 400 جاڭا جۇمىس ورنى اشىلماق.
ەسكە سالايىق, 2022 جىلى قازاقستان مەن «General Motors» كومپانياسى بىرلەسكەن «Chevrolet» CKD ءوندىرىسىن قولعا الۋ تۋرالى كەلىسىمگە كەلگەن بولاتىن. ءسال كەيىنىرەك, 2022 جىلدىڭ 22 جەلتوقسانىندا تەلەكوپىر بايلانىسىنا شىققان مەملەكەت باسشىسى قاسىم-جومارت توقاەۆ پەن وزبەكستان پرەزيدەنتى شاۆكات ميرزيوەۆ اتالعان جوبانىڭ باستالعانىن رەسمي مالىمدەگەن.
ونەركاسىپ جانە قۇرىلىس ءمينيسترى قانات شارلاپاەۆ ماشينا جاساۋ سالاسى قازاقستان ەكونوميكاسىنىڭ ستراتەگيالىق ماڭىزدى باعىتى بولىپ سانالاتىنىن, ال «General Motors» سىندى الەمنىڭ الدىڭعى قاتارلى كومپانياسىن وندىرىسكە تارتۋ ەلىمىزدە قارقىندى دامىپ كەلە جاتقان اۆتوكولىك سالاسىنا جاڭا سەرپىن اكەلەتىنىن اتاپ ءوتتى.
«بۇگىن بۇكىل قازاقستان ءوندىرىسى ءۇشىن وتە ماڭىزدى كۇن. مەن «Allur» زاۋىتىنىڭ قىزمەتكەرلەرىنە ارنايى العىس ايتقىم كەلەدى. بۇگىن سىزدەر قازاقستاننىڭ يندۋستريالىق بولاشاعىنا نەگىز سالدىڭىزدار دەۋگە بولادى. ءبىز ءۇشىن جانە «General Motors» ارىپتەستەرى ءۇشىن جوبانى ودان ءارى دامىتۋ جانە ءوندىرىستىڭ جەرگىلىكتى ۇلەسىن ارتتىرۋ وتە ماڭىزدى», دەدى مينيستر.
جوبانى ىسكە اسىرۋ ءۇشىن تەحنولوگيالىق شەشىمدەر ۇلگىسىن ۇسىناتىن جانە ونەركاسىپ قۇرىلعىلارىن جەتكىزۋمەن اينالىساتىن جەتەكشى كومپانيالار تارتىلىپ وتىر. «CKD وnix» قازاقستان ءۇشىن عانا ەمەس, ورتالىق ازيا ەلدەرى ءۇشىن دە بىرەگەي جاڭا وندىرىستىك كەشەن بولىپ سانالادى. ماماندار اتالعان جوبانىڭ ىسكە قوسىلۋى «Allur» زاۋىتىنا قازاقستان اۆتوكولىك يندۋسترياسىنداعى ەڭ جوعارعى دەڭگەيدە اۆتوماتتاندىرىلعان كاسىپورىن مارتەبەسىن بەرەتىنىن ايتادى.
قوستاناي وبلىسىنىڭ اكىمى قۇمار اقساقالوۆ ءوڭىردىڭ جوعارى وقۋ ورىندارى مەن كوللەدجدەرى وسىنداي ءىرى جوبالار ءۇشىن بولاشاق ماشينا جاساۋ ماماندارىن ماقساتتى تۇردە وقىتىپ جاتقانىن مالىمدەدى.
«سوڭعى 4 جىل ىشىندە ماشينا جاساۋ فاكۋلتەتتەرىندەگى ستۋدەنتتەر سانى 5 ەسە ارتتى. 2025 جىلدىڭ قورىتىندىسى بويىنشا, كاسىپورىنداردا جۇمىس ىستەيتىن تۇلەكتەر سانى تاعى 2 ەسە كوبەيەتىنىن بايقاپ وتىرمىز. بۇل جاستار ءۇشىن, ەلىمىزدىڭ بولاشاعى ءۇشىن وتە ماڭىزدى», دەدى اكىم.
«Chevrolet وnix» وندىرىسىندە «General Motors» كومپانياسىنىڭ ساپا ستاندارتتارىنا سايكەس كەلەتىن جوعارى ساپالى جانە اسا دالدىكتەگى لازەرلىك استاستىرۋدى قامتاماسىز ەتەتىن روبوتتاندىرىلعان لازەرلىك دانەكەرلەۋ تەحنولوگياسى قولدانىلادى. قازىر زاۋىتتا زاماناۋي روبوتتاندىرىلعان قۇرىلعىلاردى پايدالانۋ ارقىلى ءوندىرىستى اۆتوماتتاندىرۋدىڭ جوعارى دەڭگەيىندەگى پلاستيكتى بوياۋ تسەحىنىڭ قۇرىلىسى ءجۇرىپ جاتىر. سونىمەن قاتار ەلىمىزدە العاش رەت اۆتوكومپونەنتتەر شىعاراتىن لوكاليزاتسيالىق ورتالىقتىڭ قۇرىلىسى باستالادى.
«ەكىجاقتى كووپەراتسيالىق ىنتىماقتاستىق اياسىندا ءبىز ۇنەمى ءوسۋ مەن ءوندىرىس اۋقىمىن كەڭەيتۋ مۇمكىندىكتەرىن ىزدەيمىز. «UzAuto», «Allur» جانە «GM» ينۆەستيتسيالارى مەن كۇش-جىگەرىنىڭ ارقاسىندا بۇگىن وسى ماڭىزدى كەزەڭگە – قوستانايدا «Chevrolet Onix» CKD-ءوندىرىسىنىڭ باستالۋىنا قول جەتكىزدىك. اۆتوكولىك ءوندىرىسىنىڭ كولەمى جىلىنا 50 مىڭدى قۇراپ وتىر. قازىر قازاقستان الەمدەگى «Chevrolet» نارىعىنىڭ كولەمى بويىنشا جەتىنشى ورىندا. بۇل ءبىزدىڭ تابىستى سەرىكتەستىگىمىزدىڭ دالەلى», دەدى «General Motors International» پرەزيدەنتى شيلپان امين.
«General Motors» كومپانياسىنىڭ جاھاندىق نارىقتار جونىندەگى پرەزيدەنتى جانە اتقارۋشى ۆيتسە-پرەزيدەنتى روري حارۆي ءوز كەزەگىندە قازاقستاندا «Chevrolet» اۆتوكولىكتەرىنىڭ ساپالى ءوندىرىسىن قولعا الىپ جاتقان ونەركاسىپتىك كووپەراتسياعا قاتىسۋشى تاراپتاردىڭ قاجىرلى ەڭبەگىن جوعارى باعالاپ, العىس ءبىلدىردى.
2023 جىلى «Allur» ينجەنەرلەرى «General Motors» زاۋىتتارىندا 8 اي بولىپ, ارنايى وقۋ-تاجىريبە كۋرسىنا قاتىسىپ قايتقان. «Allur» قىزمەتكەرلەرى وقىتۋدىڭ بارلىق كەزەڭىنەن ءوتتى جانە جاڭا مودەلدى شىعارۋعا قاجەتتى بىلىك-ءبىلىمدى تولىق يگەردى», دەيدى زاۋىت باسشىلارى.
«Allur» زاۋىتىنىڭ وپەراتسيالىق ديرەكتورى ۆيتالي حريست جاڭا جوبا ءوڭىر دامۋىنا وڭ ىقپال ەتەتىنىن ايتتى.
«بىلتىر ءبىزدىڭ زاۋىتتىڭ كونۆەيەرلەرى 90 مىڭنان استام اۆتوكولىك شىعاردى. بۇل – وتاندىق اۆتوكولىك وندىرىسىندەگى رەكوردتىق كورسەتكىش. جاڭا ىسكە قوسىلىپ وتىرعان «Chevrolet وnix» جوباسىنىڭ مۋلتيپليكاتيۆتى اسەرى بار. ويتكەنى ماشينا جاساۋ سالاسىندا ءبىر جۇمىس ورنىنىڭ قۇرىلۋى وسى ءوندىرىستىڭ اينالاسىنداعى سالالاردا بەس-التى جۇمىس ورنىنىڭ پايدا بولۋىنا ىقپال ەتەدى», دەيدى ۆيتالي حريست.
قوستاناي وبلىسى