الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قوعام بەلسەندىسى بالجان تۇرلىبەككە قاتىستى ۇكىم شىقتى, دەپ حابارلايدى Egemen.kz.
الماتىدا 7 جاسار قىزدىڭ ولىمىنە قاتىستى ءىس بويىنشا سۋديا ەرلان بولاتوۆ شەشىم شىعاردى.
«سوت تۇرلىبەك بالجاندى قىلمىستىق كودەكستىڭ 99-بولىگىنىڭ 3-بولىگى (ادام ءولتىرۋ) بويىنشا كىنالى دەپ تانىپ, 20 جىلعا باس بوستاندىعىنان ايىرۋ جازاسىن ورتاشا قاۋىپسىزدىك مەكەمەسىندە وتەۋگە ۇكىم شىعاردى. سونىمەن قاتار 677 مىڭ تەڭگە پروتسەسسۋالدىق شىعىن ءوندىرىلسىن جانە جابىرلەنۋشىلەردىڭ قورىنا 30 اەك وتەماقى تولەنسىن. ازاماتتىق تالاپ ارىزدى قاراۋسىز قالدىرىڭىز», دەپ سۋديا ۇكىمدى وقىدى.
ۇكىم زاڭدى كۇشىنە ەنگەن جوق.
ەستەرىڭىزگە سالا كەتەيىك, بىلتىر شىلدە ايىندا الماتىدا 7 جاسار وگەي قىزىن ۇرىپ ءولتىردى دەگەن كۇدىكپەن قوعام بەلسەندىسى بالجان تۇرلىبەك قاماۋعا الىنعان ەدى. مارقۇم بولعان كارينا زاكۋراەۆانى 47 جاستاعى وگەي شەشەسى 4 اي بويى ساباپ كەلگەن. تۋىستارىنىڭ سوزىنشە, سوڭعى رەت ۇلكەن دارەتىن جىبەرىپ قويعانى ءۇشىن, قاتىگەز ايەل قىزدىڭ باسىن قابىرعاعا ۇرعان. قاتتى سوققىدان ميىنا قان قۇيىلىپ جەتكىنشەك جان تاپسىرعان.