اقش-تىڭ نيۋ-يورك قالاسىنداعى Madison Square Garden Theater ارەناسىندا كاسىپقوي بوكستان ءىرى دودا ءوتتى.
جارىستىڭ باستى جەكپە-جەگىندە يرلانيالىق كاللۋس ۋولش (9-0, 7 كو) پەن قازاقتىڭ ۇلى داۋرەن ەلەۋسىنوۆ (11-3-1, 10 كو) كۇش سىناستى. وسى سپورت ءتۇرىنىڭ باسى-قاسىندا جۇرگەندەر 23 جاستاعى كورك قالاسىنىڭ تۋماسىن «جاڭا GGG» دەپ اتاپ جاتىر. ونى ايگىلى فراددي روۋچ باپتاسا, پروموۋتەرى – توم لەففلەر. كەزىندە بۇل ماماندار ۇزاق ۋاقىت بويى ءبىزدىڭ گەننادي گولوۆكينمەن جۇمىس ىستەگەن. امەريكاداعى ايقاس ۋولشتىڭ ايقىن جەڭىسىمەن اياقتالدى. 37 جاستاعى ەلەۋسىنوۆ ءبىراز قارسىلىق كورسەتكەنىنە قاراماستان جاستىڭ اتى جاس قوي. يرلانديانىڭ وكىلى قانداسىمىزعا كوپ سوققى دارىتتى. 11-راۋندتا باسەكە توقتاتىلدى.
ءسويتىپ, كاللۋم ۋولش ءبىرىنشى ورتا سالماقتاعى WBC Continental Americas نۇسقاسىنىڭ التىن بەلبەۋىن يەلەندى. ال داۋرەن قاتارىنان ەكىنشى كەزدەسۋىندە جەڭىلىس تاپتى.