سارىارقا اۋدانىنداعى بەلسەندى ۇزاق ءومىر ءسۇرۋ ورتالىعىندا «امال» مەرەكەسى اتاپ ءوتىلىپ, ورتالىقتىڭ قىزمەت الۋشى زەينەتكەرلەرى ناۋرىز ايىنىڭ باستالۋىن كورىسۋدەن باستادى. اقساقالدار كەلۋشىلەرگە باتا بەرىپ, اقجارما تىلەك ارنادى, دەپ حابارلايدى Egemen.kz.
ۇيىمداستىرۋشىلار ءىس-شارانى امال مەرەكەسىنىڭ شىعۋ تاريحىن بايانداۋدان باستاپ, كورەرمەندەرگە بەينەماتەريال ۇسىندى.
مادەني ءىس-شارادا «شاڭىراق» ەتنو-مادەني ءانسابلىنىڭ ونەرلى اجەلەرى «بۇلدىرگەن», «بيپىل» اندەرىن ورىنداسا, «گاۋحارتاس» بي توبىنىڭ اپالارى «قاماجاي» ءبيىن بيلەدى.
امال مەرەكەسى ۆيكتورينالىق جارىستارمەن جالعاستى. ونەرلى اتا-اجەلەر ءازىل ارالاس سۇراقتارعا جاۋاپ بەرىپ, ماقال-ماتەل ايتۋدان, جۇمباق جاسىرۋدان, ءداستۇرلى ءان شىرقاۋدان سىنعا ءتۇستى.
كورىسۋ كۇنى جينالعاندارعا مەرەكەلىك كوڭىل-كۇي سىيلادى. سونىمەن قاتار زەينەتكەرلەرگە ۇلتتىق تاعام تۇرلەرى دە تارتۋ ەتىلدى.
كەش سوڭىندا سارىارقا اۋدانى بويىنشا الەۋمەتتىك قىزمەت كورسەتۋ ورتالىعىنىڭ باسشىسى كەنجەبولات باپيشەۆ جينالعاندارعا العىسىن ءبىلدىرىپ, مەرەكەمەن قۇتتىقتادى.