قازاقستاندىق تەننيسشى دميتري پوپكو برازيليانىڭ رەسيفي قالاسىندا وتكەن ءتۋرنيردىڭ جەكەلەگەن سايىسىنىڭ فينالىندا ۇتىلعانىمەن, جۇپتىق باسەكەدە باس جۇلدەنى ولجالادى.
جەرلەسىمىز جەرگىلىكتى ويىنشى دۋترا دا سيلۆامەن بىرگە بارلىق قارسىلاسىن سىپىرا ۇتىپ, فينالدا لۋيس بريتتو مەن سارايۆا دوس سانتوسقا (برازيليا) سان سوقتىردى. ەسەپ – 6:3, 6:4. اقش-تىڭ فينيكس قالاسىندا تاعى ءبىر ءتۋرنيردىڭ تۇساۋى كەسىلدى. ىرىكتەۋ سىنىنىڭ ەكىنشى كەزەڭىندە بەيبىت جۇقاەۆ چەحيالىق ۆيت كورپيۆەنىڭ وسال تۇسىن تابا المادى. ەندى قانداسىمىز جۇپتىق جارىستا باق سىناپ كورمەك. جۇقاەۆ پەن وڭتۇستىككورەيالىق سون چان حونگ 1/8 فينالدا ميتچەلل كريۋگەر/دەنيس كۋدلامەن (اقش) كۇش سىناسادى.
ماجارستاننىڭ سەكەشفەحەرۆار قالاسىندا «چەللەندجەر» ساناتىنداعى ءتۋرنيردىڭ شىمىلدىعى ءتۇرىلدى. بۇل جارىستىڭ تۇساۋكەسەر كەزدەسۋىندە تيموفەي سكاتوۆ يتاليالىق اندرەا پەللەگرينوعا جول بەردى – 7:6, 2:6, 4:6.