9 ناۋرىزدا ساعات 02:26-دا تسەلينوگراد اۋدانىنا قاراستى تالاپكەر اۋىلىندا 100 شارشى مەتر الاڭدا تەحنيكانى ساقتاۋعا ارنالعان شاعىن بولمەدە ءورت بولدى, دەپ حابارلايدى Egemen.kz تجم-ءنىڭ ءباسپاسوز قىزمەتىنە سىلتەمە جاساپ.
وقيعا ورنىنا اقمولا وبلىسى تجد جەكە قۇرامىنان 4 قۇتقارۋشى جانە 1 بىرلىك تەحنيكاسى, سونداي-اق استانا قالاسى تجد جەكە قۇرامىنان 14 قۇتقارۋشى جانە 3 بىرلىك تەحنيكاسى دەرەۋ جونەلتىلگەن.
ءورت سوندىرۋشىلەر كاسىبي ارەكەتتەرىمەن ءورتتىڭ گاز-جانارماي قۇيۋ ستانتسياسىنىڭ مونوبلوگىنا تارالۋىنا مۇمكىندىك بەرمەدى, سونداي-اق 2 كامازدى, 2 تيەگىشتى, 1 گاز تاسىمالداعىشتى ورتتەن قۇتقاردى, 10 گاز باللون شىعارىلدى.
ء«ورت ساعات 03:24-تە وقشاۋلاندى, ساعات 03:54-تە جويىلدى. ءورت ءسوندىرۋ بولىمشەلەرى كەلگەنگە دەيىن كۇزەتشى استانا قالاسى №1 اۋرۋحاناعا جەتكىزىلدى. ءورتتىڭ شىعۋ سەبەبى انىقتالىپ جاتىر», دەلىنگەن حابارلامادا.