«استانا جاستارى» جاستار رەسۋرستىق ورتالىعىنىڭ ەرىكتىلەرى حالىقارالىق ايەلدەر كۇنى مەرەكەسى قارساڭىندا ەلوردا تۇرعىندارىن قۇتتىقتاپ, گۇل مەن شوكولادپەن قۋانتىپ جاتىر. بۇل تۋرالى ەلوردا اكىمدىگىنىڭ رەسمي سايتى حابارلادى, دەپ جازادى Egemen.kz.
قالانىڭ تىعىز قونىستانعان جەرلەرىنە جينالعان ەرىكتىلەر جولدا ءوتىپ بارا جاتقان قىز-كەلىنشەكتەرگە قىزعالداق گ ۇلى مەن تاتتىلەردى تاراتىپ جاتىر. اكتسيا جىل سايىن وتكىزىلەدى.
«ماقساتىمىز – مەرەكەلىك كوڭىل-كۇي سىيلاۋ. حانىمدارعا باقىت, دەنساۋلىق, اماندىق تىلەيمىن», دەيدى ەرىكتىلەردىڭ ءبىرى ەراسىل امانتاي.
مەرەكە يەلەرى ءوز كەزەگىندە كورسەتىلگەن قۇرمەتكە العىستارىن ءبىلدىردى.
«بارلىعىنا كوپ راقمەت! كۇتپەگەن جەردەن مەرەكەلىك كوڭىل-كۇي ۇستەدى. ءاربىر ايەلگە زور باقىت تىلەيمىن!», دەدى اينۇر سمايىلوۆا.
اكتسيا ءالى دە جالعاسىپ جاتىر. ەرىكتىلەر استانالىق انالار مەن ارۋلارعا 1000-نان استام گۇل مەن شوكولاد تارتۋ ەتەدى.