ايەلى سالتانات نۇكەنوۆانى اسا قاتىگەزدىكپەن ءولتىردى دەگەن كۇدىككە ىلىنگەن ەكس-مينيستر قۋاندىق بيشىمباەۆتىڭ اكەسى ءۋاليحان بيشىمباەۆ باق وكىلدەرىنە سۇحبات بەرىپ, ەل ازاماتتارىن ءدۇر سىلكىندىرگەن رەزونانستى ءىس توڭىرەگىندە شىققان اقپاراتتار جايلى پىكىر ءبىلدىرىپ, قوعامدى الاڭداتىپ جاتقان سۇراقتارعا جاۋاپ بەردى, دەپ حابارلايدى Egemen.kz.
جاقىندا قۋاندىق بيشىمباەۆتىڭ قورعاۋشىلارى YouTube پلاتفورماسىندا تىكەلەي ەفيرگە شىعىپ, كۇدىكتى قىلمىس جاساعانىن مويىنداماي وتىرعانىن جەتكىزگەن ەدى. ودان بولەك ادۆوكات نازكەن قۇسايىنوۆا سالتاناتتىڭ دەنەسىندە اۋىر جاراقات ىزدەرى بولماعانىن ايتىپ, بيشىمباەۆ ايەلىنىڭ قازاسىنا بايلانىستى قايعىرىپ وتىرعانىن العا تارتتى.
ادۆوكاتتاردىڭ مالىمدەمەسىنە نارازىلىق بىلدىرگەن مارقۇمنىڭ تۋىستارى مەن ەل ازاماتتارىن تولعاندىرعان سۇراقتار جاۋاپسىز قالدى. قوعامدا «بيشىمباەۆتى اقتاۋ ناۋقانى» ءجۇرىپ جاتقانى راس پا؟ كۇدىكتىنىڭ ادۆوكاتتارىنان سۇحبات العان جۋرناليستەرگە, جەلىدە پىكىر قالدىرعان ساياساتكەرلەرگە, بلوگەرلەرگە اقشا تولەندى مە؟ بيشىمباەۆتار وتباسى بالاسىن اقتاپ العىسى كەلە مە؟
وسى ورايدا Nege.kz سايتىنا سۇحبات بەرگەن ۋاليحان بيشىمباەۆ مۇنىڭ ءبارى قوعام ساناسىن مانيپۋلياتسيالاۋ ءۇشىن جاسالىپ جاتقانىن ايتتى. ونىڭ ايتۋىنشا, بالاسىنا قاتىستى قوزعالعان قىلمىستىق ءىس سوتتا ءادىل قارالۋى كەرەك, ياعني ءبارى زاڭدى بولۋى كەرەك.
ەل اراسىندا «گۇلجان ەرعاليەۆاعا (Elmedia) قۋاندىق بيشىمباەۆتىڭ ادۆوكاتتارىمەن جۇرگىزگەن سۇحباتى ءۇشىن 10 ملن تەڭگە بەرىلگەن», سونداي-اق ە.ەرتىسباەۆقا 100 ملن, بلوگەر گۇلبانۋ ابەنوۆاعا 10 پوست ءۇشىن 15 ملن تەڭگە تولەنگەن» دەگەن سىبىس جەلدەي ەسىپ ءجۇر.ء تىپتى كەيبىرەۋلەر «بيشىمباەۆتار وتباسى بۇل ناۋقانعا 1 ملن دوللار جۇمساعان» دەيدى.ء ۋاليحان بيشىمباەۆ بۇل اقپاراتتاردى تەرىسكە شىعاردى.
«كىم نە ايتسا دا, ءوز ەركى. ونىڭ ءبارى جالعان اڭگىمە. ەكىنشىدەن, بۇل ميعا كىرمەيتىن فەيك اقپارات. ءتىپتى, وسىنى ايتىپ جۇرگەندەردى سوتقا بەرۋگە بولادى. كىم دۇرىس ايتادى, كىم بۇرىس ايتادى, ونى اللا ءبىلىپ وتىر. قايتسە دە, بىزگە كۇيە جاعۋشىلاردىڭ شىعارىپ العانى. مۇنىڭ ءبارى – پروۆوكاتسيا», دەدى بيشىمباەۆتىڭ اكەسى.
ال ادۆوكاتتاردىڭ مالىمدەمەسىنە قاتىستى ءتىلشىنىڭ سۇراعىنا: «ۇسىنىس تۇسسە, كىمگە سۇحبات بەرەدى, وزدەرى بىلەدى. ولار دا ءوز جۇمىسىن ىستەيدى عوي», دەپ قىسقا قايىردى.
ءسوز سوڭىندا ءۋاليحان بيشىمباەۆ بىرەۋلەردى ساتىپ الاتىنداي مۇمكىندىگى جوقتىعىن تىلگە تيەك ەتىپ, حالىق اراسىندا جۇرگىزىلىپ جاتقان اقپاراتتىق ناۋقانعا اۋلەتىنىڭ ەش قاتىسى جوق ەكەنىن مالىمدەدى.
«بالام – جاس بالا ەمەس. 40-تان اسقان ازامات. ارينە, بارىمىزگە قيىن, قاتتى سوققى بولدى. سىرتىمىزدان ءارتۇرلى نارسە ايتىپ جاتىر. ءالى كۇنگە دەيىن ەس جيا الماي ءجۇرمىز. ەڭ ءبىرىنشى – كەلىنىمىزدەن ايىرىلدىق. ءبىز دە قايعىرىپ وتىرمىز. كەلىنىمىز ومىردەن ءوتتى, بالامىز مىنانداي جاعدايعا تاپ بولدى. جاعدايىمىز ءماز ەمەس. ەكى جاققا دا زاڭ ورتاق. ءبارى زاڭ شەڭبەرىندە ادىلەتتى قارالۋى كەرەك», دەپ تۇيىندەدى ءۋاليحان بيشىمباەۆ.