وقۋشى كوپ, مەكتەپ از

اسىرەسە مەكتەپ پەن بالاباق­شا­نىڭ جەتىسپەۋشىلىگى وتكىر ما­سەلەگە اينالدى. اتا-انالار بالالارىنا ساپالى ءبىلىم بەرۋ ءۇشىن قولايلى ورتا ىزدەپ, ابىگەردە ءجۇر. قالا اكىمدىگىنىڭ دەرەگىنشە, بيىل­­عى وقۋ جىلىندا 30 مىڭ ورىن تاپشىلىعى بايقالعان. ال مەك­تەپتەرگە جىل سايىن 12-14 مىڭ بالا وقۋعا كەلەدى.

جاقىندا №41 مەكتەپتە ورىن العان جاعدايدىڭ سەبەبىن قا­لا­­لىق ءبىلىم باسقارماسىنىڭ ما­­ماندارى وقۋشى ورنىنىڭ جەتىس­­پەۋشىلىگىمەن بايلانىستىر­دى. باسقارما باسشىسى ءلاززات جىل­قىباەۆانىڭ ايتۋىنشا, قازىرگى كەزدە 870 بالا وقيتىن مەك­تەپ­تە ەكى اۋىسىمدا 1 426 وقۋ­­شى ءبى­لىم الىپ جاتىر. اتال­عان ءبىلىم وشا­عىنداعى ورىن تاپشى­لىعىن شەشۋ ءۇشىن بيىل سامعاۋ-2 شا­عىن اۋداندا 2 000 ورىندىق جاي­لى مەكتەپتىڭ قۇرىلىسى باستالعان-دى.

ماسەلەنىڭ مانىنە ۇڭىلسەك, الەۋ­مەتتىك جەلىدە تاراعان بەينە­جازباعا قا­را­عاندا, گاردەروبتان كيىمدەرىن الۋ­عا بارعان وقۋ­شىلار تار جەردە قىسىلىپ, ءبىر-ءبى­رىن باسىپ كەتە جازداعان. وسى­نىڭ سالدارىنان وقۋ ءۇردىسىن دۇرىس ۇيىمداستىرا الماعان مەك­تەپ ديرەكتورى قىزمەتىنەن كەت­تى. مەكتەپتە مۇنداي جاعداي بۇ­رىن-سوڭدى بولماعان, ابىروي بولعاندا, وقيعا سالدارىنان وقۋشىلار زارداپ شەككەن جوق. بۇ­عان دەيىن وسىعان ۇقساس جاعداي قالا­داعى №5 مەكتەپتە ورىن العان ەدى. مەكتەپتە كيىم الۋعا تالاسىپ قال­عان بالالاردىڭ ارەكەتىنەن وقۋشى جاراقات العان بولاتىن. اتالعان مەكتەپ 860 ورىنعا ار­نال­عان بولسا, قازىر وندا 2 257 بالا وقيدى.

مەكتەپتەر جەتىسپەۋشىلىگى ما­سەلەسى الماتى اگلومەراتسياسىن دامىتۋدىڭ 2024-2028 جىل­دارعا ارنالعان كەشەندى جوسپارىندا قامتىلدى. وسى ورايدا قا­لا ماڭىنداعى ەلدى مەكەندەر­گە 2028 جىلعا دەيىن 36 مەكتەپ سالۋ كوزدەلگەن. بۇل قالاعا جا­قىن اۋماقتا ورنالاسقان مەكتەپ­تەردەگى ءۇش اۋىسىمدا ءبىلىم بەرۋ ماسەلەسىن تولىقتاي شە­شۋگە ىقپال ەتەدى. مۇنىمەن قوسا كۇردەلى جوندەۋمەن قامتى­لا­تىن مەكتەپتەر سانى 6 پايىز­عا ۇلعايىپ, وقۋشىلار مەن مۇعا­لىم­دەر ءۇشىن نەعۇرلىم قولاي­لى ءارى قاۋىپسىز جاعداي قاراستى­رىلماقشى.

قالالىق اكىمدىكتىڭ مالىمە­تىنشە, مەكتەپتەردەگى ورىن تاپ­شى­لىعى ماسەلەسىن شەشۋ ءۇشىن قازىرگى كەزدە ءبىلىم وشاقتارىنىڭ قۇرىلىسى قارقىندى ءجۇرىپ جاتىر. «جايلى مەكتەپ» ۇلتتىق جو­باسى اياسىندا الداعى ەكى جىلدا 37,1 مىڭ ورىندىق 22 مەكتەپ اشۋ كوزدەلىپ وتىر. بۇگىنگى تاڭدا 23,1 مىڭ ورىندىق 13 مەكتەپتىڭ قۇرىلىسى باستالعان. جەكە ينۆەستورلارمەن 12 مىڭ ورىنعا ارنالعان 8 مەكتەپ سالۋ جانە ساتىپ الۋ بويىنشا مەموراندۋمعا قول قويىلىپ, مەملەكەت-جەكە­مەنشىك ارىپ­تەستىك اياسىندا 2 مىڭ وقۋشىعا لايىقتالعان 1 مەكتەپ سالىناتىن بولادى.

قازىرگى كەزدە قالادا 200-دەن استام مەملەكەتتىك, 100-گە جۋىق جەكەمەنشىك مەكتەپ بار. وندا 320 مىڭنان استام وقۋشى ءبىلىم الىپ جاتىر. ماماندار الماتىدا «جاي­لى مەكتەپ» ۇلتتىق جوباسى نا­تيجەلى ىسكە اساتىن بولسا, مەك­تەپتەردەگى ورىن تاپشىلىعى 6 مىڭعا دەيىن تومەندەۋى مۇمكىن دە­گەن بولجام جاسايدى. ۇلتتىق جو­با اياسىندا مەكتەپتەردىڭ جاڭا تەح­نو­­لوگيالارمەن جابدىقتالۋى, وقۋ­شى­­لاردىڭ جەكە شكافتارمەن قام­تاماسىز ەتىلۋى كوپتەگەن تۇيتكىل­دى ماسەلەنىڭ شەشىمىن تارقاتپاق. بۇگىن­دە الماتىدا مەملەكەتتىك ورتا جانە مەكتەپكە دەيىنگى ءبىلىم بەرۋ ۇيىمدارىندا «كەشەندى قاۋىپسىزدىك جۇيەسى» جوباسى ىسكە اسىپ وتىر. قازىرگى ۋاقىتتا الماتى قالاسىندا 400-دەن اسا مەملەكەتتىك ۇيىم­داردا جانە مەملەكەتتىك ءبىلىم بەرۋ ۇيىمدارىندا مامان­دان­­دىرىلعان كۇزەت جانە بەينە­باقىلاۋ جۇيەسى بار. بىلتىرعى جىلدىڭ سوڭىنان باستاپ قالا مەكتەپتەرىندە بەينەباقىلاۋ كامەرالارىن, دابىل تۇيمەلەرىن جاڭارتۋ جۇمىستارى باستالعانى بەلگىلى. قازىرگى ۋاقىتتا 200-دەن استام مەكتەپ پەن 10 ينتەرنات قاۋىپسىزدىك جۇيەسىمەن, 215 ۇيىم 11 831 بەينەباقىلاۋ كامەراسى, 215 دابىل تۇيمەسى, وقۋشىنى تانۋ مۇمكىندىگى بار 400-دەن اسا تۋر­نيكەتپەن قامتىلعان. ما­مان­دار الداعى جىلداردا ۇلت­تىق جوبا اياسىنداعى مەكتەپ­تەردە IT شەشىمدەر مەن زاماناۋي جابدىقتار وقۋشىلار قاۋىپ­سىزدىگىن تولىققاندى قامتاماسىز ەتۋگە مۇمكىندىك بەرەدى دەپ سەندىرەدى.

الماتى