1968-2003 جىلدارى قازاق تەلەۆيزياسىندا رەداكتور, كوممەنتاتور قىزمەتىن اتقارعان ارداگەر جۋرناليست رابات جانىبەكوۆ ومىردەن ءوتتى, دەپ جازادى Egemen.kz.
قارالى حاباردى جۋرناليست كەمەلبەك ويشىباەۆ الەۋمەتتىك جەلىدەگى پاراقشاسى ارقىلى جەتكىزدى:
«قازاق تەلەۆيزياسىنىڭ بەلگىلى سپورت ءجۋرناليسى, العاش قازاق تىلىندەگى سپورت كوممەنتاتورى بولعان, ارداگەر رابات جانىبەكوۆ ومىردەن وتكەنى تۋرالى سۋىق حابار تاڭمەن كەلدى. رابات اعامىز تۋرالى كىشكەنتاي كەزىمنەن ەستيتىنمىن, اكەم باقتىعۇل ويشىباەۆ رابات اعايمەن كازگۋ-دە جۋرناليست ماماندىعىنا وقىعان كەزىندە جاتاقحانادا ءبىر بولمەدە تۇرعانىن ايتىپ, ستۋدەنتتىك شاقتارىن ەسكە الاتىن. سوڭعى كەزدە اۋىرىپ جاتقانى تۋرالى ۇلى مۋسليم حابارلاعان. اعامىزدىڭ ارتى قايىرلى, جانى جانناتتا بولسىن», دەپ جازدى ول.
رابات جانىبەكوۆ تۇركىستان وبلىسى قازىعۇرت اۋدانىندا 1942 جىلى دۇنيەگەن كەلگەن.
ول ەڭ العاش فۋتبولدان 1973 جىلى ماسكەۋدە وتكەن كسرو چەمپيوناتىندا «قايرات» - «تورپەدو» كەزدەسۋىن قازاق تىلىندە جۇرگىزدى.