يتاليانىڭ بۋستو-ارسيتسيو قالاسىندا ءوتىپ جاتقان وليمپيا ويىندارىنىڭ ىرىكتەۋ ءتۋرنيرىن قازاقستاننىڭ بىلعارى قولعاپ شەبەرلەرى ءساتتى باستادى.
العاشقى بولىپ رينگكە كوتەرىلگەن 51 كگ سالماقتاعى ساكەن بيبوسىنوۆ گونكونگتىڭ وكىلى كاننەت چۋن حيم تانمەن كۇش سىناستى. باسەكە باستالعان بەتتە تىزگىندى مىقتاپ قولىنا العان اتاقتى بوكسشىمىز قارسىلاسىن وڭدىرماي سابادى. ءۇشىنشى راۋندتا تورەشىلەر جەكپە-جەكتى توقتاتتى. تەحنيكالىق نوكاۋت! كەلەسى كەزەڭدە ساكەن كەنيالىق كاراندجەي داۆيد ماچاريامەن قولعاپ تۇيىستىرەدى. ودان كەيىن 60 كگ سالماقتاعى ريمما ۆولوسەنكونىڭ ونەرىن تاماشالادىق. ول ترينيداد پەن توباگونىڭ وكىلى حادناس-ساح تياننا ەش قينالماي ۇتتى.
كەشە ماحمۇد سابىرحان (57 كگ) ەفيوپيالىق يادەسا لەتانى جانە نۇربەك ورالباي (80 كگ) گايتيلىق سەدريك بەلوني-ديۋلەپرەنى سىناقتان وتكىزدى. الداعى كۇندەرى كورەرمەندەرى تاعى بىرنەشە تارتىستى جەكپە-جەكتەر كۇتىپ تۇر.